QMDB tóraǵasy, Bas múftı Naýryzbaı qajy Taǵanuly saparǵa attanyp bara jatqan qaýymǵa sát-sapar tilep, bes paryzdyń biri qajylyq qulshylyǵynyń mán-mańyzyna toqtaldy.
«Pandemııa saldarynan eki jyl boıy qajylyq esigi jabyq bolǵan edi. Endi, mine, Allanyń qalaýymen, Haq taǵalanyń shaqyrtýymen qasıetti Qaǵbatýllaǵa qajylyqqa attanyp barasyzdar. Alla saparlaryńyzdy múbárak etsin! Ardaqty Paıǵambarymyz (oǵan Allanyń salaýaty men sálemi bolsyn): «Jaman sóz sóılemeı, kúnáli ári orynsyz eshnárse jasamaı, Allaǵa qajylyq jasaǵan adam anasynan jańa týǵandaı (kúnásiz) oralady» degen. Endeshe, osy uly saparda Alla Taǵala barsha otandasymyzǵa О́ziniń jeńildigin berip, aman-esen qulshylyǵyn óteýdi násip etsin!», dedi Naýryzbaı qajy Taǵanuly.
Elimizden qajylyqqa barýǵa nıet etip otyrǵandar
4 myńnan asady eken. Olarǵa 14 kompanııa qyzmet kórsetedi.
ALMATY
