Aımaqtar • 03 Shilde, 2022

Tumandy Albıonda top jarǵan komanda

21 ret kórsetildi

Qazaqstandyq robottehnıka komandasy Ulybrıtanııanyń Kosford qalasynda ótken FIRST Tech Challenge olımpıa­dasynda jeńiske jetti.

NIS (FMN), BIL jáne Haileybury sııaqty Alma­ty­daǵy jetekshi mektepterdiń 15-17 jas aralyǵyndaǵy 12 oqý­shysy qa­tysqan jarys­ta jas ınjenerler men baǵ­dar­lamashylar 10 oıynda da jeńiske jetip, ab­solıýtti rekord ornatty.

Osylaısha, Qazaqstan komandasy Ulybrıtanııadaǵy eń myqty robot ınjenerlerine qarsy oıynda jeńiske jetti. Búginde 80 mıllıon AQSh dol­lary kólemindegi stıpendııa qory bar FIRST robotteh­nıka chempıonattarynyń je­ńim­pazdary álemniń jetek­shi ýnıversıtetterinde tegin bi­lim alýǵa ótinish berý múm­kin­digine ıe.

Eýropa men Azııa elderinen barlyǵy 21 komanda qatysqan FTC UK Regional – 2022 robot­­tehnıka jarysynda top ja­­rý árıne ońaıǵa tús­pe­geni anyq. Osy oraıda Alma­ty fı­zıka-matematıka baǵy­tyn­daǵy «NIS kyran x SWB» ko­man­dasy birinshi orynǵa ıe bol­ǵanyn erekshe atap ótýge bolady.

FIRST Tech Challenge ın­je­nerlik jarystarynyń basty maqsaty – oqýshylardyń teh­nıkalyq bilim deńgeıin art­tyrý, komandada jumys isteý jáne mindetterdi bólý daǵ­dylaryn damytý. Bul bo­­la­shaq ınjenerler men robo­­t­­tehnıkterdi damytýda ma­ńyzdy baǵdarlama bolyp ta­bylady. Robottehnıka boıynsha komandalyq jarysta belgili ýaqyt ishinde básekelestik alańda tapsyr­malardy oryndaı alatyn ro­­botty jobalaý jáne q­u­ras­­tyrý júkteldi. Osy oraı­da komandaǵa avtonomdy jáne bas­qarylatyn rejimderde bir­qatar áreket­ti oryndaı alatyn robottar quras­ty­ryldy.

Qazaqstan namysyn qor­ǵaǵan NIS kyran x SWB jáne Haileybury Initium komandalary brıtandyqtarǵa qarsy bir alıansta óner kórsetip, 6 biliktilik matchyn, eki jartylaı fınaldy jáne eki fı­­naldy rekordtyq eseppen jeńip aldy. Qurama bul jeńis­pen shektelip qalmady. Balalar Tournament champion kýbogyn jáne Judges award – tóreshilerdiń tarapynan beri­letin, qatysýshylardyń chempıonatta úzdik nátıje kór­setkenderin dáleldeıtin eń ne­gizgi marapatty jeńip aldy.

 

ALMATY

Sońǵy jańalyqtar

Uqsas jańalyqtar