Sapa naryǵynda básekelestikke jol ashylady

Sońǵy jyldarda tehnıkalyq bilim berýdiń mańyzy artýda. Bul baǵytqa Prezıdent Q.Toqaev asa mán bere otyryp, bilimge degen kózqarasty ózgertý qajettigin únemi qaperde ustap keledi. Iаǵnı ınjener-ónerkásipshilerdiń jańa býynyn daıarlaýdyń kezi keldi. О́ndiriletin jáne ımporttalatyn ónimniń sapasyna qoıylatyn talaptardyń kúsheıýine baılanys­ty básekege qabiletti mamandar kórsetkishin arttyrý ýaqyt talabyna aınaldy.

KazStandard Academy-nyń ashylý saltanatynda sapa salasynda kóshbasshy bolyp tabylatyn Qazaqstan standarttaý jáne metrologııa ınstıtýty men Satbayev University arasynda memorandýmǵa qol qoıylyp, qatysýshylar eki jaqty yntymaqtastyqqa sáıkes kadr máselesine nazar aýdardy.

Akademııanyń ashylý saltanatynda Tehnıkalyq retteý jáne metrologııa komıtetiniń tóraǵasy Arman Ábenov, Qazaq­stan standarttaý jáne metrologııa ınstıtýtynyń bas dırektory Ǵabıt Muhambetov, Satbayev University rektory Meıram Begentaev, KazStandard Academy jetekshisi Qasym Elemesov jáne taǵy basqalar KazStandard Academy damytýdaǵy is-sharalarǵa qatysty mindetterdi talqylady.

Qazaqstan standarttaý jáne metrologııa ınstıtýtynyń bas dırektory Ǵabıt Muhambetov óz sózinde: «Bizdiń maqsatymyz – ekonomıkanyń barlyq salalaryn standarttaý jáne metrologııa salasyndaǵy mamandarmen qamtamasyz etýge kómek kórsetý, bilim alýshylardyń ǵylymı-zertteý jumystaryn júrgizý úshin óndiristik alań qurý. Satbayev University-de qos tarapty bilim berýdi engizýge basymdyq berilýde», dep atap ótti. Sonymen birge táýelsiz memleketimizdiń damýynda aıryqsha rólge ıe joǵary oqý oryndarynyń biri retinde Satbayev University elimizdiń taý-ken, munaı-gaz salasyna birneshe býyn bilikti mamandar daıarlap, búginde olar belgili ǵalymdar, ınjenerler, basqarý júıesinde bedeldi mamandar retinde tanyl­ǵanyna toqtaldy. Búginde Satbayev University Ortalyq Azııa óńirindegi iri ǵylymı zertteý habyna aınalý múmkindigine ıe. Ǵ.Muhambetovtyń aıtýynsha, pandemııadan keıingi jáne qazirgi geosaıası jaǵdaılarǵa sergek qaraı otyryp, búgingi naryq talaptaryna saı bilikti mamandar daıarlaý máselesine nazar aýdarý elimizdiń bilim berý salasy­nyń aldynda turǵan mańyzdy mindet. Osy oraıda Qazaqstan standarttaý jáne metrologııa ınstıtýty Bilim jáne ǵylym mınıstrligimen birlese otyryp, birqatar aýqymdy isterdi júzege asyrdy. Endigi kezekte barlyq bedeldi qurylymdardyń múshesi retinde bilikti mamandar daıarlaý isine belsendi atsalysatyn bolady. Osy oraıda Ǵ.Muhambetov oqytýshy-professorlyq quramdy, ǵalymdar men stýdentterdi osy jobaǵa qatysýǵa shaqyra otyryp, halyqaralyq keńistikte báse­ke­lestikti arttyrýda teorııa, bili­k­tilik, tájirıbe jınaý úshin teh­nı­kalyq bazalyq múmkindikter jasalatynyn atap ótti. Naqty aıtqanda, «Standarttaý jáne sertıfıkattaý» jáne «Metrologııa jáne metrologııalyq qamtamasyz etý» baǵyttary boıynsha magıs­tratýra men doktorantýra ashý, professorlyq-oqytýshylyq quram quzyretin arttyrý, R&D, stan­­darttaý, metrologııa jáne ser­tı­fıkattaý jónindegi oqýlyq­tar­dy, oqý quraldaryn qoldana oty­ryp, qoldanystaǵy bilim berý baǵdar­lamalaryn damytý jáne jańartýǵa basymdyq beriletin bolady.

Qazaqstanda óndirilgen taýar­lar­dyń álemdik naryqtaǵy báseke­les­tigine jaǵdaı jasaý óndi­ris­tegi úrdisterdiń ońtaılanýy jáne dáldigimen tyǵyz baılanysty. KazStandard Academy maqsaty standarttar sapasyn arttyrýda mamandar jumysynyń nátıjeli bolýyna yqpal ete otyryp, kásibı jetistikterge jetýge múmkindik beretin bilim alańyna aınalýdy kózdeıdi. Ol úshin halyqaralyq talaptardy elimiz naryǵyna ıkemdeı otyryp, magıstratýra, dokto­rantýra, sonymen birge standarttaý men metrologııa salasyndaǵy ınnovasııalyq qyzmetti de damytý qajettigine nazar aýdaratyn bolady.

ALMATY