Búgin bastalǵan Qurban aıt meıramy úsh kúnge sozylady. Qazaqstan musylmandary dinı basqarmasynyń málimetine qaraǵanda Hıjrı jyl sanaýy boıynsha 1443 jyldyń zulhıjja aıynyń bastalýy 30 maýsym bolyp bekitilgen.
Arapa kúni 8 shildege sáıkes keledi. Al 9 shilde – Qurban aıt merekesiniń alǵashqy kúni. Bul kúnderi qurbandyqqa mal shalyp, azyǵy joq, muqtaj jandarǵa taratyp beredi.
Islam túsinigi boıynsha joq-jitik jandarǵa kómektesý saýapty is. Sondaı-aq, musylmandar qulshylyq etip, kóbirek jaqsy amaldar jasaýǵa tyrysqany jón. Sondaı-aq, mereke kezinde Qurban aıt namazy oqylady.
Aıta keteıik, ár óńirde namaz oqýdyń bekitilgen ýaqyty bar. Qazaqstan musylmandary dinı basqarmasy taratqan aqparatqa sáıkes óńirlerdegi bas ımamdar Qurban aıt meıramyna oraı brıfıng ótkizip, BAQ arqyly halyqqa atalǵan merekeniń mán-jaıyn keńinen túsindirdi. Atalǵan merekege tán mindet – Qurban shalý.
Eske sala keteıik, qurbandyqqa shalatyn malǵa jáne soıýǵa qatysty qoıylatyn arnaıy talaptar bar. Osy oraıda qazaqstandyqtar Qurban2022.kz saıty arqyly ótinim bere otyryp, onlaın rejımde de qurbandyq shala alady.
