Sıfrly arhıv aıasyndaǵy ǵylymı yqpaldastyq

Mańyzdy jobalar aıasynda Reseı arhıvteri qorlarynda saq­talǵan Qazaqstan tarıhy­na qatysty tarıhı qujattar­dy tabý, kóshirmelerin alý, paıdalaný jáne ǵylymı aınalym­ǵa engizýmen qatar «Reseı men Qazaq­standaǵy asharshylyq. 1927-1934 jj.» jáne «Uly Otan soǵysy jyldaryndaǵy Qazaq­stan»birlesken qujattar jına­ǵyn aıaqtaý josparlanyp otyr.

Eki el arasyndaǵy kelissóz­der berik tarıhı baılanystar­dy jáne arhıv isi salasyndaǵy óz­ara tyǵyz is-qımyldy nyǵaıtýdy maqsat etedi.

Kezdesý aıasynda Qazaqstan men Reseı arhıvteriniń 2022-2024 jyldarǵa ar­nalǵan bir­lesken is-qımyl jospary be­ki­tilip, komıssııa otyrysynyń hat­­ta­masyna qol qoıyldy. Ar­hıv sala­synyń ke­leli máse­le­lerin qozǵaǵan kez­desý Qazaq­stannyń tóraǵalyǵymen Reseı, О́z­bek­stan, Ázerbaıjan, Belarýs, Qyr­ǵyz­stan, Tájik­stan, Armenııa arhıv salasy ókil­­deriniń qatysýymen ótken TMD el­deri memlekettik arhıv qyz­met­teri bas­shylarynyń Kon­sýltatıvtik keńesiniń 18-shi otyrysynda jalǵasyn tapty.

Otyrys barysynda elimizdegi arhıv isiniń jaı-kúıi týraly, qa­byldanǵan normatıvtik qu­qyq­tyq aktiler, aqpa­rattyq júıe­ler men elektrondyq arhıv­tik qyz­metterdi engizý, halyqara­lyq yntymaqtastyq jáne arhıv salasy­nyń materıaldyq-tehnı­ka­lyq jaraqtan­dy­rylýy týraly aıtyldy. 2020-2021 jyl­dar­da­ǵy TMD qatysýshy memleket­terindegi arhıv isiniń jaı-kúıi men damýy týraly (qujattardyń saqtalýyn qamtamasyz etý jáne esepke alýdy, arhıv qor­larynyń qujattaryna ǵy­ly­mı-anyqtamalyq apparat júıe­sin uıym­dastyrý, arhıv qujat­taryn paıdalaný jáne olarǵa qol jetkizý, muraǵattardy aqpa­rattandyrý) baıandaldy.

Al sheteldik sarapshylar arhıv qujattarynyń saqtalýyn qamtamasyz etý, restavrasııalaý jáne elektrondyq formatqa kóshirý máseleleri boıynsha táji­rıbelermen bólisti. Osy oraıda Mádenıet jáne sport mınıstr­ligi Arhıv isteri jáne qujattama­ny bas­qarý komıtetiniń tóraǵasy Q.Borash elimiz­diń arhıv sala­synyń jetistikterin, onyń ishin­de normatıvtik-quqyqtyq baza­ny jetildirý, memlekettik jáne vedom­stvolyq arhıvter qyzmetin avtomattandyrýdy qamtamasyz etetin «Qujattardyń biryńǵaı elektrondyq arhıvi» aqparat­tyq júıesin engizý barysyna toq­talyp ótti.

TMD elderi azamattarynyń áleý­mettik suranystaryn qana­ǵat­tandyrý men quqyqtaryn qor­ǵaý maqsatynda keńeske qatysý­shy elderdiń arhıvshileri «TMD-ǵa qatysýshy memleketterdiń jeke quramy boıynsha qujat­tar­dy saqtaý oryndary týraly» derekter bazasyna qosylý boıynsha aqparattyq ózara is-qımyl joldaryn anyqtady.

Halyqaralyq yntymaqtas­tyq­ty keńeıtý jáne «Ar­hıv-­2025» jobasyn iske asy­rý jó­­­nindegi is-sharalardyń ke­shen­­di jospary sheńberinde Kon­sýl­­tatıvtik keńestiń qatysý­shy­lary Qazaqstan tarıhy boıyn­sha sheteldik arhıvterdegi qujat­tardy anyqtaý men satyp alý jáne TMD-ǵa qatysýshy memleketter arasynda arhıv qu­jattarymen almasý boıynsha ózara is-qımyl máselelerin keńinen talqylady.

Halyqaralyq is-shara aıasynda sheteldik delegattar Or­­talyq memlekettik arhıv jáne Qazaqstan Respýblıkasy Pre­­zıdenti arhıviniń jumys ba­ry­­symen jáne Ulttyq arhıv qo­ry­nyń tarıhı qujattarynan ázir­lengen kórmemen tanysty.

ALMATY