«Endi zańdy tulǵalarǵa qujattardy tapsyrý úshin fılıaldyń keńsesine kelýdiń qajeti joq. Qalanyń kez kelgen HQKO júginýge bolady. Aıta ketý kerek, qazirgi ýaqytta elektrondyq úkimet portalynda rezıdent emester úshin basshynyń aýysýy, ornalasqan jeriniń ózgerýi elektrondyq habarlama negizinde emes, avtomattandyrylǵan rejımde bazaǵa engizilmeıdi. Sondyqtan qalanyń HQKO-nyń 6 bólimshesinde ótinishterdi qabyldaý ortalyqtary ashyldy, onda 6 jumys orny quryldy, 6 operator jumys isteıdi», dep habarlady «Azamattarǵa arnalǵan úkimet» memlekettik korporasııasynyń Nur-Sultan qalasy boıynsha fılıalynyń dırektory Mádı Sadanov.
Atap aıtqanda, habarlama sıpatyndaǵy qyzmetterdi kórsetý HQKO - larda zańdy tulǵalardan jiberiletin qujattardyń mynadaı túrleri boıynsha júzege asyrylady:
1)zańdy mekenjaıynyń (rezıdent emesterdiń) ózgergeni týraly habarlama
2)zańdy tulǵa basshysynyń (rezıdent emesterdiń) ózgergeni týraly habarlama
3) zańdy tulǵanyń jarǵylyq kapıtalyn ulǵaıtý týraly habarlama
4) zańdy tulǵanyń Ekonomıkalyq qyzmet túrin ózgertý týraly habarlama
5)basshy men quryltaıshynyń derbes derekteriniń ózgergeni týraly habarlama (T. A. Á.)
6) zańdy tulǵalardyń tirkelgen zańdy tulǵa týraly málimetterdi usynýǵa qatysty suraý salýlary.
Joǵaryda kórsetilgen qyzmetter habarlama tártibimen júzege asyrylady, tirkeý alymyn tóleý kózdelmegen.
Jyl basynan Nur-Sultan qalasynyń fılıaly boıynsha habarlama sıpatyndaǵy 5432 ótinish kelip tústi.
Onyń 2304 - i EÚP, 3128-i keńse arqyly qabyldandy.
