Qoǵam • 09 Tamyz, 2022

Múgedek jandardyń áleýmettenýin qamtamasyz etedi

1336 ret kórsetildi

Múgedek jandardy áleýmettendirý qoǵam aldynda turǵan mańyzdy máseleniń biri. Olar­dyń qoǵamnyń tolyqqandy múshesi retinde qalyptasýynda zańgerlerdiń, psıhologtar men keńesshi mamandardyń orny bólek. Múgedek jandardyń jumysqa ornalasýy, bilimin jetildirý men jańa kásip ıgerýi kásibı baǵdardy qajet etedi. Mamandardyń pikirinshe, olardyń árqaısysyna jeke nazar aýdarǵanda ǵana qoǵamnan óz ornyn taýyp, kásibı maman retinde damı alady. Osy oraıda bıylǵy jarty jyldyqta mamandar Almaty qalasynda 400-den astam múgedektigi bar janǵa qoldaý bildirip, áleýmettenýine járdem kórsetken.

Almaty qalasy jumyspen qamtý jáne áleýmettik baǵdarlamalar basqarmasy basshysynyń orynbasary Danııar Álkebaıuly О́ńirlik kommýnıkasııalar qyzmetinde ınklıýzıvti jobalardy damytý barysymen tanystyryp, «Táýelsiz ómir mektebi», «TenQogam» ózin ózi damytý kýrstarynyń tıimdiligi týraly aıtyp ótti.

Búginde Almaty qalasynda 50 myńnan astam múmkindigi shekteýli azamat tirkelgen. Onyń ishinde 18 jasqa deıingi múmkindigi shekteýli balalardyń sany 8 myńnan asady. D.Álkebaıulynyń aıtýynsha, múmkindigi shekteýli jandardy áleýmettendirý jáne olardyń jumysqa ornalasýyna kómektesý maqsatynda «TenQogam» múgedek adamdardy áleýmettik qoldaý ortalyǵy» jobasy júzege asyp keledi. Ortalyq mamandary jumysqa ornalasýdyń bastapqy kezeńinde óz qamqorlyǵyndaǵy adamdarmen tyǵyz jumys isteıdi. Sonymen qatar olardyń boıyndaǵy qorqynysh pen senimsizdikti jeńýge, ózin ózi baǵalaýǵa kómektesetin «Táýelsiz ómir mektebi» jobasy da jalǵa­syn tabýda. Joba aıasynda «Aq bastaý» pansıonatynda aptalyq kýrsta 112 adam oqytylǵan. Jyl sońyna deıin bul kórsetkishti 128-ge jetkizý josparlanyp otyr.

Inklıýzıvti jobalar aıasynda qaladaǵy 10 myńnan astam múmkindigi shekteýli azamatqa tehnıkalyq ońaltý quraldary úlestirilip, 5 200-ine ymdaý tili maman­da­rynyń, jeke kómekshiler tarapynan áleýmettik qyz­met kórsetilgen. Múgedek jandarǵa shıpajaıǵa tegin joldama berý de turaqty nazarda. «Jeke ońaltý baǵdarlamasy arqyly múgedekter ońaltýǵa arnalǵan tehnıkalyq quraldarmen jáne áleýmettik qyzmettermen tegin qam­ta­masyz etiledi. Qajetti qarajatty «áleýmettik qyz­­metter portalynan» ótinim arqyly alýǵa bolady. Jeke­legen jaǵdaılarda memlekettik satyp alý arqyly jeke irikteýdi talap etetin tehnıkalyq quraldar satyp alynady», dep túsindirdi vedomstvo ókili.

Búginde qala ákiminiń tapsyrmasy boıynsha múdegek­terge ınvataksı qyzmeti qoljetimdi. Qazirgi kezde mundaı taksılerdiń sany 50-ge jýyqtap qalǵan. Aldaǵy ýaqytta ınvataksıler sanyn 100-ge jetkizý kózdelip otyr. Ol úshin jergilikti bıýdjetten 244 mln teńge mólsherinde qosymsha qarjy qarastyrylǵan. Invataksı qyzmetine aı saıyn 1 500 eresek adam men 357 múmkindigi shekteýli balalar júginedi.

Múgedektigi bar adamdarǵa, múgedek balalarǵa, zeınetkerlerge jáne ómirlik qıyn jaǵdaıǵa tap bolǵan adam­darǵa arnaýly áleýmettik qyzmetter kórsetýge vedoms­tvoǵa tıesili 10 medısınalyq-áleýmettik mekeme jaýapty. Al memlekettik áleýmettik tapsyrys aıasynda 17 úkimettik emes uıym qyzmet kórsetedi.

Tıisti basqarmanyń deregi boıynsha bıyl qaladaǵy áleý­mettik qajettilikterge 33,2 mlrd teńgeden astam qarjy bólingen. Alǵashqy 6 aıda 12,5 mlrd teńge ıgerilip, halyqtyń áleýmettik qorǵalmaǵan toptaryna jatatyn 137 myń adamǵa kómek kórsetilgen. Vedomstvo ókiliniń aıtýynsha, qalada múgedektigi bar adamdar úshin qoljetimdi ortany qalyptastyrý men damytý baǵytyndaǵy jumystar jandana beretin bolady.

 

ALMATY

Sońǵy jańalyqtar

8 óńirde qolaısyz meteojaǵdaı kútiledi

Aýa raıy • Búgin, 09:41

Elorda oqýshylary qashyqtan oqıdy

Qoǵam • Búgin, 09:24

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

Uqsas jańalyqtar