Bilim • 11 Tamyz, 2022

15 myńǵa jýyq oqýshy jańa mektepke barady

39 ret kórsetildi

Almaty qalasynyń ákimdigi bıyl úsh aýysymdy mektepter máselesin tolyǵymen joıyp, balalardyń zamanaýı mektepterde bilim alýyna jaǵdaı jasap otyr. Osy oraıda aldaǵy jyldyń sońyna deıin 14 245 oqýshy ornyna eseptelgen 22 mektep paıdalanýǵa beriletin bolady.

Bul jaıynda bıylǵa arnal­ǵan jergilikti bıýdjetti naq­tylaý boıynsha ótken qala más­lı­ha­ty­nyń XVI sessııasynda qala ákimi Erbolat Dosaev málimdedi. Megapolıs basshysynyń aıtýynsha, bilim berý salasyna 275,2 mlrd teńge qarastyrylǵan (jergilikti bıýdjetten – 196,2 mlrd, respýblıkalyq bıýdjetten – 79 mlrd). Bıýdjetti naqtylaý aıasynda qosymsha 9,4 mlrd teńge bólý josparlanyp otyr.

Sońǵy jyldary qala turǵyn­daryn megapolıs aýmaǵynyń ulǵaıýyna baılanysty mektepter men balabaqshalar jetispeýshiligi tolǵandyrýda. Osy oraıda oqý­shy ornynyń tapshylyǵyn azaıtý maqsatynda 46 mekteptiń qu­ry­lysy jalǵasyp, Bostandyq, Áýezov, Almaly, Jetisý aýdan­da­ryndaǵy mektepterge japsarlas 5 ǵımarattyń qurylysyn aıaq­taýǵa qosymsha 1,8 mlrd teńge qa­rastyrylyp otyr.

Búginde Bostandyq aýdanynda mektepter men balabaqshalardyń qurylysy qarqyn alyp keledi. О́ńir­lik kommýnıkasııalar qyzme­tinde aýdan ákiminiń orynbasary Renat Seıdramanov mektepterdiń qu­ry­lysy men keńeıtý jumys­ta­ry­nyń úzdiksiz júrip jat­qa­nyn jetkizdi. Qazirdiń ózinde
1 625 oryndyq №38, 60, 199 mek­tepterge japsarlas qury­lys­tar paıdalanýǵa berilip, 300 oqýshyǵa arnalǵan №191 mektep mańyndaǵy qurylys aıaq­talyp qaldy. Áleýmettik jaýap­kershilik aıasynda №146 lıseı ǵımaratyna qosymsha 300 orynǵa arnalǵan qurylys ju­mystary aıaqtaldy. Aldaǵy ýaqytta Bazis-A kompanııasy №65 jalpy bilim beretin mektepke qosymsha 300 orynǵa arnalǵan qurylys jumystaryn bastaıtyn bolady. Sonymen qatar №81 mektep-gımnazııasy men № 40, 45 jalpy bilim beretin mektepke seısmıkalyq kúsheıtý, Orbıta-3 shaǵyn aýdanyndaǵy № 145 mektepke kúrdeli jóndeý jumystary jalǵasýda.

Qalada jekemenshik mektep­ter­diń ashylýy oryn tap­shy­ly­ǵyn azaıtýǵa yqpal etýde. Byl­tyr aýdanda 705 oryndyq 6 mektep ashylǵan. RAMS City turǵyn úı keshenin salý barysynda 1 100 oryndyq mektep pen eki balabaqsha salý qa­ras­tyrylsa, № 21 gımnazııa aýmaǵyndaǵy 120 oryndy jańa balabaqsha qurylysy aıaq­taldy. Sondaı-aq  №71 bala­baqsha ǵımaratyn kúrdeli jón­deý­men qatar seıs­mı­kalyq ja­ǵy­nan kúsheıtý ju­mys­tary da aıaq­taldy. Naýaı kó­she­sinde orna­las­qan, ashylýy bıyl 1 qyrkúıekte josparlanyp otyrǵan № 113 balabaqsha ǵı­ma­ra­tyna kúrdeli jóndeý ju­mys­tary júrgizilýde. Aýdanda sonymen qatar densaýlyq saqtaý nysandarynyń qurylysyn ny­ǵaı­tý da basymdyqqa ıe. Aýdan ákimi orynbasarynyń aıtýynsha, «Balalarǵa jedel medısınalyq kómek kórsetý ortalyǵynyń» ope­rasııalyq blogy bar qabyl­daý bólimshesi korpýsynyń qu­ry­lysy jalǵasýda. Ǵımaratty ke­le­si jyldyń sáýir aıynda aıaqtaý josparda tur.

Al Naýryzbaı aýdanynyń ákimi Sanjar Toǵaı atap ótken derekterge toqtalsaq, aýdanda halyq sany artyp keledi. Osyǵan oraı áleýmettik nysandarǵa da suranys artyp otyr. Búgin­de shaǵyn aýdanda turǵyn úı qu­ry­lysy qarqyndy boı kóte­rip, oqýshy oryndarynyń tap­shy­lyǵy máselesin sheshý baǵy­tyn­da­ǵy jumystar júıeli iske asýda. 2 700 oryndy úsh mekteptiń qurylysy qarqyndy júrýde. Onyń qatarynda «Qalqaman» shaǵyn aýdanyndaǵy 1 500 oryndy jáne «Shuǵyla» shaǵyn aýdanynda ornalasqan árqaısysy 1 200 oryndy eki mektep bar.

Bıyl «Qalqaman» shaǵyn aýda­nynda 1 800 oryndy mektep jáne «Aqjar» men «Taý­sa­­maly» shaǵyn aýdandaryn­da árqaısysy 120 oryndy 2 ba­la­baq­sha paıdalanýǵa beriledi. Al «Aqjar» jáne «Rahat» shaǵyn aýdandarynda 2 jekemenshik mek­tep ashyldy. Zamanaýı jab­­­­dyq­tar­men jabdyqtalǵan «Zaman» jekemenshik mektebiniń qu­­ry­lysy aıaqtaldy. Sanjar To­ǵaı atap ótkendeı, búginde aýdan­da 100 jekemenshik bala­baq­sha men 5 memlekettik bala­baq­sha jumys isteıdi. Alaıda bul ny­san­dardaǵy oryn da jet­ki­liksiz bolyp otyr. Sondyqtan Qu­ramys jáne Shuǵyla shaǵyn aýdandarynda eki memlekettik balabaqshanyń qurylysyn bas­taý josparlandy.

 

ALMATY

Sońǵy jańalyqtar

TOP-10 eldiń qatarynda

Sport • Búgin, 07:30

Jetinshi fınalynda jol berdi

Tennıs • Búgin, 07:27

Álem kýboginde oljaly boldy

Sport • Búgin, 07:23

Sákenniń SMart mektebi

Qoǵam • Búgin, 07:22

Jurtpen júzdesip, nysandardy aralady

Aımaqtar • Búgin, 07:18

Jumyspen qamtýǵa septigin tıgizedi

Qoǵam • Búgin, 07:17

Qoqys ortasynda qalǵan eldi meken

Aımaqtar • Búgin, 07:15

Salyqtan jaltaryp júr

Qarjy • Búgin, 07:13

О́zgeristi ózińnen basta

Pikir • Búgin, 07:12

Reformalardyń zańdy jalǵasy

Pikir • Búgin, 07:08

Jańashyldyqqa betburys

Pikir • Búgin, 07:07

Jolaýshylar aǵyny úsh ese artqan

Aımaqtar • Búgin, 07:05

Maqtashyny mazalaıtyn másele

Ekonomıka • Búgin, 07:00

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

Uqsas jańalyqtar