Atyraý oblystyq polısııa departamentiniń baspasóz qyzmetinen málim etkendeı, jol-kólik oqıǵasy búgin, 13 tamyz kúni bolǵan.
«Búgin jergilikti ýaqytpen saǵat 13:30 shamasynda Dossor-Qulsary-Beıneý tas jolynyń 157-shaqyrymynda «Lada Granta» kóligi aýdaryldy. Kóliktiń aýdarylýyna 1992 jylǵy júrgizýshiniń kóliktiń rýline ıe bola almaı qalýy sebep bolǵan. Jol-kólik oqıǵasynyń saldarynan kóliktiń aldynǵy oryndyǵyndaǵy 31 jastaǵy jolaýshy qaza tapty», dep habarlady departamenttiń baspasóz qyzmeti.
Qazir polısııa qyzmetkerleri atalǵan jol-kólik oqıǵasyna baılanysty tergeý amaldaryn júrgizip jatyr.
