Máslıhattyń 2022 jylǵy 17 tamyzdaǵy sheshimimen 3 mlrd teńge somasyna qosymsha qarajat bólindi. Bul qarajat qyrkúıek aıyna qosa memlekettik shyǵarmashylyq jáne sporttyq tapsyrys aıasynda iske qosylǵan vaýcherlerdiń qajettilikterin qamtıdy.
Buǵan deıin 2022 jyldyń basynan bastap iske qosylǵan vaýcherlerdi qamtamasyz etý úshin 6,4 mlrd teńge bólingen edi.
Búgingi kúni qalada platforma arqyly balalarǵa berilgen vaýcherlerdiń jalpy sany – 85 561, onyń ishinde 61 639 vaýcher iske qosyldy.
Qazir elordada memlekettik shyǵarmashylyq jáne sporttyq tapsyrys aıasynda 25 sport túri boıynsha 581 sport seksııasy, sondaı-aq 45 baǵyt boıynsha 1034 shyǵarmashylyq úıirme jumys isteıdi.
Buǵan deıin Mádenıet jáne sport mınıstri Dáýren Abaev qazaqstandyq balalar ArtSport baǵdarlamasy boıynsha sportpen jáne shyǵarmashylyqpen tegin aınalysatynyn málimdegen edi.
