Basqosý kezinde Aıdos Sarym bul baǵyttaǵy jumys birneshe aıdan beri júrgizilip kele jatqanyn atap ótti. Partııanyń tuǵyrnama jobasy óńirlik fılıaldardyń kún tártibinde belsendi talqylanady.
«Jumys tobynyń mindeti – barlyq talqylaýlardy, pikirtalastardy, usynystardy, sonyń ishinde ózge sarapshylardyń, qatardaǵy partııalyqtardyń pikirin eskere otyryp, ózektiligin joımaıtyn, uzaq merzimdi qujat ázirleý. Amanat-tyń jańa Saıası tuǵyrnamasy onyń negizgi qundylyqtaryn, qaǵıdattaryn, partııa músheleri Amanat pen jalpy memleketti qalaı kóretindigin aıqyndaýy tıis», dedi depýtat.
«Eýrazııa álemi» qoǵamdyq qorynyń prezıdenti Edýard Poletaev saıası tuǵyrnama saılaýaldy baǵdarlamaǵa uqsamaıtyn jańa saıası qural ekenin atap ótti.
«Partııa úshin Parlamentte qaı depýtat ókildik etetinine, óńirlik fılıaldardyń qaı basshysy óz ornyn saqtap qalatynyna qaramastan, osy tuǵyrnama negizinde Qazaqstan halqy partııanyń negizgi maqsaty men mindetin bilgeni mańyzdy», dep atap ótti Edýard Poletaev. Al saıası sholýshy Nıkıta Shatalovtyń aıtýynsha, tuǵyrnamada ómirdiń barlyq salasynda qoǵamnyń ilgerileýine yqpal etetin qundylyqtar belgilenedi. «Qazirgi tańda birqatar qaýip-qatermen betpe-bet kelip otyrmyz – bul shıelenisken geosaıası jaǵdaı, áleýmettik-demografııalyq
ahýal, pandemııa. Boljam jasaý jáne tuǵyrnamany ázirleý kezinde munyń bárin eskerý qajet. Barlyǵy naqty sandar men qolda bar bazaǵa súıenýi kerek. Saıasattyń zańy – osy», dedi ol.
Saıasattanýshy Marat Shıbýtov Saıası tuǵyrnamanyń avtorlyq nusqasyn usyndy. Onyń negizinde konsentrlik sheńber jatyr: «ózim-otbasym-úıim-jumysym-shaǵyn aýdanym-aımaǵym-ortalyǵym».
«Eń bastysy, basty nazar adamǵa aýdarylýy tıis. Solaı bola tura, partııa memleketti almastyrmaýy kerek. Alaıda partııa óz músheleriniń, qoǵamnyń, saılaýshylarynyń aldynda jaýapty. Naqty iske nazar aýdarý qajet», deıdi saıasattanýshy.
О́z kezeginde «Strategııa» Áleýmettik jáne saıası zertteýler ortalyǵynyń prezıdenti Gúlmıra Ileýova partııanyń jańa mazmun qalyptastyrýy, al onyń ózeginde jalpyǵa ortaq eńbek ıdeıasy turýy tıis ekenin atap ótti. «Qazirgi kúni memleket pen partııanyń aldynda jańa áleýmettik-ekonomıkalyq syn-qaterler tur. Ony eńserý úshin partııa óziniń taldamalyq áleýetin barynsha iske qosýy tıis», dedi ol.
Qarjy keńesshisi Rasýl Rysmambetov óz sózinde qazirgi jaǵdaıdaǵy saıası partııalardyń róline basa nazar aýdardy. Sarapshy búginde áleýmettik jelilerde aýqymdy aýdıtorııasy bar túrli blogerler men belsendiler saıası partııalarǵa básekelestik jasaı alatynyn atap ótti. Sondyqtan partııa óz mazmunyn qalyptastyryp, ony aqparattyq keńistikte ilgeriletýi qajet.
Almatydaǵy pikir almasý syndarly jaǵdaıda ótip, kezdesýge kelgen árbir qatysýshysy óz oıyn, usynys-tilekterin bildirdi.
Eske sala keteıik, buǵan deıin Amanat tóraǵasy Erlan Qoshanov Ortalyq apparattyń jáne óńirlik fılıaldardyń basshylarymen keńes ótkizip, saıası tuǵyrnamany jańartý jumystary tek «halyq únine qulaq asatyn partııa» formatynda júrgizilýge tıis ekenin atap ótken bolatyn. Erkin pikir almasý, keń saıası dıalog qamtamasyz etilýge tıis.
