Team Kazakhstan akademııasynyń túlegi Erasyl áýeli juptyq synda qazaqstandyq Vıtalıı Zasepınmen birge úzdik shyqty. Qazaqstandyq jup fınalda reseılikter Makar Elesın - Danııl Stepanovty utty. Esep - 6:3, 6:3. Sodan keıin Erasyl jekeleı synda D.Stepanovty aıqyn basymdyqpen jeńdi. Esep- 6:1, 6:2.
Osylaısha, Qyzylorda qalasynda týyp-ósken Erdildá ITF dodalaryndaǵy besinshi tıtýlyna qol jetkizdi.
Sondaı-aq Fransııanyń Dıjon qalasynda tórtinshi sanattaǵy ITF Juniors jarysynda Zara Dárken juptyq synda jeńimpaz atandy. Ol ýkraınalyq Anastasııa Fırmanmen birge sońǵy básekede ýkraınalyqtar Serafıma Bobrovnıkova - Stefanııa Pýshkardy tize búktirdi. Esep - 7:5, 6:3.
Erevan qalasynda 12 jasqa deıingiler arasynda ekinshi sanattaǵy Tennis Europe týrnırinde Asqar Ámir óziniń halyqaralyq jarystaǵy alǵashqy trofeıine ıe boldy. Ol fınalda reseılik Pavel Iаromskıımen birge reseılikter Fılıpp Smırnov - Arkadıı Vahlınnen basym tústi. Esep - 6:2, 6:7 (2:7), 10:7.
