Taraptar Qazaqstan men Eýropalyq Odaq arasyndaǵy Keńeıtilgen strategııalyq áriptestikti damytý perspektıvalaryn talqylady.
Qazaqstan Prezıdentiniń 2021 jylǵy qarasha aıynda Brıýsselge resmı saparynyń qorytyndysy boıynsha qol jetkizilgen ýaǵdalastyqtardy iske asyrý barysyna erekshe nazar aýdaryldy. Atap aıtqanda, energetıka jáne kólik-logıstıka salalarynda birlesken jobalardy júzege asyrý máseleleri qozǵaldy.
Memleket basshysy Ýrsýla fon der Lıaıendi Ádiletti Qazaqstandy qurýǵa baǵyttalǵan elimizde júzege asyrylyp jatqan aýqymdy saıası jáne ekonomıkalyq reformalar týraly habardar etti.
Qasym-Jomart Toqaev pen Ýrsýla fon der Lıaıen strategııalyq seriktestikti odan ári jan-jaqty nyǵaıtýǵa degen ózara qarym-qatynasty rastady.
Eýropalyq komıssııanyń prezıdenti Qasym-Jomart Toqaevtyń basshylyǵymen elimizde iske asyrylyp jatqan aýqymdy reformalardy joǵary baǵalady.
Kezdesý sońynda Prezıdent Ýrsýla fon der Lıaıendi Qazaqstanǵa resmı saparmen kelýge shaqyrdy.
