16 qazanda Almaty qalasy Alataý aýdanynyń aýmaǵynda arheologııalyq qazba jumystary kezinde anyqtalǵan.
Saq jaýyngeriniń tabyty úsh metr tereńdikte ornalasqan.
Ishinen adam qaldyqtarynan bólek, qarý-jaraq synyqtary: altyn elementteri bar qylysh, kúmis zergerlik buıymdar, sondaı-aq saq dáýirine tán janýarlardyń beıneleri bar qańyltyr altynnan jasalǵan buıym tabylǵan.
«Qazba jumystary jyl saıyn júrgiziledi, biraq mundaı sátti oljalar sırek kezdesedi. Sońǵy ret 2014 jyly kıimniń altyn synyqtary tabylǵan edi», dedi «Almaty qalasy murajaılar birlestigi» KMQK dırektory Lázzat Saǵyndyqova.
Qazba jumystary áli de jalǵasýda. Ǵylymı-zertteý jumystaryn mádenıet basqarmasynyń tapsyrysy boıynsha «Almaty qalasynyń murajaılar qaýymdastyǵy» júrgizedi.
