Kandıdat Shymkent qalalyq advokattar alqasymen kezdesý ótkizdi. «Zańgerlerdiń jaǵdaıy qıyn. Qarjylyq máseleler odan da qıyn. Biraq adamdardyń quqyǵy buzylyp jatqanyn kórý, tipti aýyr. Sot úderisi júrip jatqanda advokattar óz jumysyn tolyqqandy atqara almaıdy. Prokýrorlar men sot qyzmetkerleri advokattardyń aıtqanyn tyńdaǵysy da kelmeıdi. О́z pikirin ashyq aıtyp, belsendilik tanytqan zańgerler keıin eńbek jolyn aıaqtaýǵa májbúr bolǵanyn kórip te júrmiz. Adam kómekke úmittenip advokat jaldaıdy, biraq kásipqoımen jumys istegenniń ózinde sot sheshiminiń qanshalyqty ádil bolatynyna kúmándanady. Halyq bizdiń sottarǵa senbeıdi», dedi jıynǵa qatysqandar.
Sondaı-aq jınalǵandar sóz bostandyǵyn, atap aıtsaq jýrnalısterdiń sot úderisteri men atyshýly isterdi syrttan qysymsyz kórsete alýy máselelerin kóterdi.
Saltanat Tursynbekova zań saqtalmaǵan jerde eshqashan tártip bolmaıtynyn aıtty. Kandıdat óz baǵdarlamasynda sot-quqyqtyq reformany birinshi baǵyt retinde erekshe atap ótkenin eske saldy. Sonymen qatar sot tóreliginiń tıimdi júıesin qurý, daýlar men janjaldardy sheshýdiń balamaly joldaryn damytý, quqyq buzýshylyqtyń aldyn alýdyń zańda basymdyǵyn qamtamasyz etý sekildi usynystaryn jetkizdi.
