О́tegen batyr aýylynda balalar klınıkalyq aýrýhanasynyń qyzmetkerlerimen kezdesý ótip, jıyn barysynda kandıdattyń saılaýaldy baǵdarlamasynda kórsetilgen ulttyq densaýlyq saqtaý júıesin damytýdyń negizgi maqsattary talqylandy.
«Almaty oblysy – elimizdegi eń iri óńirlerdiń biri. Aımaq halqynyń 85 paıyzy aýylda turady. Munda da barlyq ózge óńirdegideı sheshimin kútip turǵan máseleler az emes. Sol máselelerdi qazaqstandyqtar jappaı qoldaıtyn kúshti bılik qana sheshe alady. Sondyqtan saılaýshylardyń 20 qarashada saılaý ýchaskelerine kelip, eldiń odan ári damý jolyn anyqtaıtyn tańdaý jasaýy mańyzdy», dep atap ótti respýblıkalyq qoǵamdyq shtab múshesi Azat Perýashev.
Budan keıin shtab músheleri Qonaev qalasyndaǵy Mádenıet úıinde Almaty oblysynyń jurtshylyǵymen kezdesti. Basqosýǵa 200-ge jýyq adam qatysty. Kandıdattyń saılaýaldy baǵdarlamasyndaǵy óńirlerdi damytýǵa jáne aýyldaǵy ınfraqurylymdy jańartýǵa arnalǵan bólimi qyzý talqylandy. Sondaı-aq shtab músheleri óńirdegi kópbalaly analarmen kandıdattyń óskeleń urpaqty qoldaý jáne turmysy tómen otbasylardy áleýmettik qamsyzdandyrý jónindegi saılaýaldy bastamalary týraly áńgime órbitti.
