Sonymen qatar azamattardy qabyldap, problemalarymen tanysyp, ótinishteri men usynystaryn nazarǵa aldy.
Partııa aktıvimen kezdesýde Nurlan Áýesbaev JSDP belsendilerin óziniń saılaýaldy baǵdarlamasynyń negizgi tarmaqtarymen tanystyrdy. Qujatta saıası reformalarǵa basa nazar aýdarylǵanyn atap ótti. Úmitkerdiń pikirinshe, «Aldymen ekonomıka, keıin saıasat» strategııasy tıimsiz bolyp shyqty. Partııalyq-saıası óristi tolyqqandy reformalaý qajet.
Kezek kúttirmeıtin taǵy bir ózekti másele – ekonomıkaǵa tusaý bolyp otyrǵan jemqorlyq. Bul jaǵymsyz qubylysty joıý úshin kandıdat paraqorlarǵa qatysty jazany barynsha kúsheıtýdi usynady. N.Áýesbaevtyń pikirinshe, sybaılas jemqorlyq qylmys úshin sottalǵandardy merziminen buryn bosatý quqyǵynan aıyrý qajet.
Bıýdjet qarajatynyń bólinýine qatysty halyqtyq baqylaý ornatylǵan kezde ǵana sybaılas jemqorlyqpen kúresýge bolady. Nurlan Áýesbaevtyń paıymdaýynsha, ol úshin elge olıgarhtardyń emes, halyqtyń túrli toptarynyń qyzyǵýshylyqtaryn qorǵaıtyn kúshti bir palataly parlament qajet.
