B.Aıten – Syr óńiriniń týmasy. Qyzylordada 6 synypqa deıin bilim alyp, keıin alyp shahar Almatyda oqyǵan. 2019 jyly Qaskeleńdegi SDÝ-ǵa túsken. Búgingi tańda ınjenerlik jáne jaratylystaný ǵylymdary fakýltetinde «kompıýterlik ǵylymdar» mamandyǵy boıynsha oqıdy. Al onyń ınjenerııaǵa degen qyzyǵýshylyǵy bala kezinde bastalǵan. Oıynyń ushqyrlyǵyn ýnıversıtet qabyrǵasynda ushtap, ustazy Nazım Ibragımovtiń jetekshiligimen assıstent retinde oqý ordasynyń ishinde ornalasqan tehnoparkte ınjenerııa isimen aınalysady. Onyń aıtýynsha, bul oryn – robottehnıkany meńgergen mamandarǵa taptyrmas múmkindik. Munda kez kelgen stýdent óziniń ıdeıasyn shyn máninde júzege asyra alady.
Tehnoparkte kúni-túni jumys isteýiniń arqasynda Beksultan Aıten búginde keńistikti qanatymen baǵyndyratyn dron oılap tapqan. Onysy jaı ushatyn qurylǵy emes, tamaq jáne basqa da júkterdi tasymaldaıdy. Jas kásipkerdiń bul jobasyna búginde jeńil tamaq ónimderin daıyndaıtyn, qazirgi zamannyń tilimen aıtqanda, «fast-fýdpen» aınalysatyn kompanııalar qyzyǵýshylyq tanytyp otyr. Onyń aıtýynsha, osyndaı baǵytta qyzmet etetin kýrerler kúnine 20 shaqty tapsyrys oryndap, aıyna 200-300 myń teńge tabys tabady.
Beksultannyń bastamasymen onyń komandasy birigip jasaǵan drondardyń naqty sany qazirgi ýaqytta altyǵa jetken. Olardyń árbiriniń atqaratyn qyzmeti men kóteretin júk shamasy bir-birine uqsamaıdy. Máselen, bireýi tamaq tasysa, ekinshisi áýeden túsiredi, kelesi bireýleri sý tasıdy, dári sebedi degen sııaqty. Sonyń ishinde suranysqa ıe bolyp otyrǵany – joǵaryda atalǵan tasymaldaýshy mindetin atqaratyn qurylǵylar.
Dıdar MÁLIKULY
Almaty oblysy,
Qaskeleń qalasy
