Iá, kezinde Uly Abaı da «Eńbek etseń erinbeı, toıady qarnyń tilenbeı» degen joq pa edi. Olaı bolsa, qaı zamanda da «eńbektiń nany tátti, jalqaýdyń jany tátti» degen halyqtyq támsil barshamyzdy eńbek etýge tárbıelep keledi. Al eńbektiń jemisin kórý qýanysh bolsa, onyń baǵalanǵanyn seziný de bir baqyt. Adal eńbek qaı qoǵamda da asa joǵary baǵalanǵan ári soǵan laıyq qurmet kórsetilip otyrǵan. Memleket basshysynyń «Ádiletti Qazaqstanda eńbek adamy eń birinshi orynda turady» deýiniń de basty sebebi osynda jatyr.
Al halyqtyń baqýatty bolýyn qamtamasyz etý úshin eń aldymen ony masyldyq psıhologııadan qutqarýymyz qajet. Osy jolda eńbek adamdaryn yntalandyrý, qurmet kórsetý, olardyń jetistikterin dáripteý mańyzdy. Biz bolsaq, Qazaqstan ónerkásibin damytýdy qolǵa alǵan kezden beri osy ustanymnan aınymaı kelemiz. Elimizde shyǵarylatyn ónimderdiń halyqaralyq standarttarǵa saı laıyqty baǵasyn alyp júrgeni sol adal eńbektiń nátıjesi ári bul jetistikte árbir qarapaıym eńbek adamynyń úlesi bar.
Ádiletti Qazaqstannyń Prezıdenttiń pármenimen ǵana emes, ár azamattyń eńbegimen qurylatynyn túsine bilgen abzal desek, bir orynda turyp baq kútý – essizdik. Baq pen yrysqa jetý úshin alǵa qadam basý kerek. Tek maqsaty bar, qıyndyqtan qoryqpaıtyn, eńbekten qashpaıtyn adam Ádiletti Qazaqstannyń ıgiligin kórmek.
Iá, álemniń ámirshisi – eńbek. Tek eńbekpen ǵana jemis ónbek, tek eńbek qana bar qıyndyqty jeńbek. Sonda ǵana Qazaqstan halqy búgingiden de zor jetistikterge jetetin bolady. Árbir salada jumys atqaryp júrgen qyzmetkerdiń de, qarapaıym jumysshynyń da eńbegine tek qana sáttilik serik bolsyn dep tileımin!
Qurmanshádi ORAZYMBETOV,
Tuńǵysh Prezıdent tarıhı-mádenı ortalyǵynyń ǵylymı qyzmetkeri
ASTANA
