Atap aıtsaq, shtab músheleri «Peterfeld Agro» óndiris bazasynda oblys sharýalarynyń jáne aýylsharýashylyq taýarlaryn óndirýshileriniń máselelerimen tanysty. Is-shara barysynda kandıdattyń saılaý aldyndaǵy baǵdarlamasynda kórsetilgen, aldaǵy jeti jylda aýyl sharýashylyǵyn damytýǵa arnalǵan sharalar talqylandy.
«Sońǵy úsh jarym jylda Qazaqstan aýyr syn-qaterlermen betpe-bet keldi. Pandemııa, qasiretti qańtar oqıǵasy, búgingi geosaıası ahýal elimizdiń damýyna óz saldaryn tıgizdi. Soǵan qaramastan biz táýelsizdigimizdi saqtap, memlekettiligimizdi nyǵaıtyp, birligimizdi arttyra tústik. Qazirgi tańda elimiz jańa Ádiletti Qazaqstan qurý jolyndaǵy tarıhı kezeńge qadam basyp otyr», dedi respýblıkalyq qoǵamdyq shtab delegasııasynyń basshysy Máýlen Áshimbaev.
Sondaı-aq shtab músheleri Beskól aýylynda jurtshylyqpen kezdesip, óńirlerdiń ınfraqurylymyn damytý jónindegi bastamalardy talqylady.
Petropavl qalasyndaǵy Kozybayev University ýnıversıtetinde ótken jastarmen kezdesýde shtab músheleri elimizdiń barlyq jas azamatyn óz qabiletin tolyq júzege asyrýǵa shaqyrdy. Shtab músheleri ásirese áleýmettik-ekonomıkalyq teń múmkindiktermen qamtamasyz etýge qatysty saılaý aldyndaǵy bastamaǵa basa nazar aýdardy.
