Kezdesý barysynda kandıdat jınalǵandardy eń áýeli óziniń saılaýaldy baǵdarlamasyn tanystyrdy. Keıin kezdesýge qatysýshylar ózderin qyzyqtyrǵan suraqtaryn qoıdy. Olar negizinen áleýmettik saladaǵy máselelerdi sheshý josparlaryna qyzyǵýshylyq tanytty.
M.Qajyken medısına qyzmetkerlerine laıyqty eńbekaqy tóleý máselesin kóterip, densaýlyq saqtaýdyń barlyq salasyn respýblıkalyq bıýdjetten qarjylandyrýdyń mańyzdylyǵyn atap ótti.
«Mardymsyz jalaqy – medısına salasyndaǵy kadrlardyń jetispeýshiligine alyp keletin ózekti másele. Medısına qyzmetkerleriniń tapshylyǵyn joıý, dárigerlerdiń áleýmettik jáne quqyqtyq qorǵalýy jáne olardyń jalaqysyn arttyrý úshin ilkimdi sharalar qajet. Bul – meniń basty mindetterimniń biri. Bizde qarjylandyrý IJО́-niń 1,4 paıyzyn quraıdy. Dúnıejúzilik densaýlyq saqtaý uıymynyń kórsetkishterimen salystyrǵanda úlken aıyrmashylyq baıqalady», dedi M.Qajyken.
Bolashaq mamandardy baspana satyp alý jáne jumysqa ornalasý múmkindigi sııaqty taqyryptar da qyzyqtyrdy. «Jastarǵa barlyq múmkindikti jasaýymyz qajet. О́ıtkeni adam áleýmettik máselelerge qanshalyqty az kóńil bólse, soǵurlym ol jumysqa jáne óziniń kásibıligin arttyrýǵa kóp kóńil bóledi. Bul – jalpy el ekonomıkasyna áser etedi», dedi ol.
