Qanat Mýsın 2023 jyly 34 zań jobasyn ázirleý kózdelgenin, onyń ishinde birinshi jartyjyldyqta Parlamentke 15 zań jobasyn jáne ekinshi jartyjyldyqta 19 zań jobasyn engizý qajet ekenin aıtty.
Jalpy mınıstrdiń derekteri boıynsha, jospardyń jobasy Prezıdent jáne memlekettiń strategııalyq qujattary aıqyndaǵan mindetter negizinde qalyptastyrylǵan.
«Qala qurylysy kodeksin jáne bıýdjet kodeksin, jer qoınaýyn paıdalaný, memlekettik-jekeshelik áriptestik, kóshi-qon, memlekettik satyp alý, salyq salý, sondaı-aq ákimshilik ádiletti, qylmystyq, qylmystyq-prosestik jáne ákimshilik zańnamalardy jetildirý máseleleri boıynsha zań jobalaryn ázirleý kózdelgen», dedi Qanat Mýsın.
Ádilet mınıstrliginiń basshysy Sý kodeksin, sondaı-aq tutynýshylardyń quqyqtaryn, buqaralyq aqparat quraldary men akvamádenıetti qorǵaý bóliginde jańa redaksııadaǵy zań jobalaryn ázirleý josparlanǵanyn qosa aıtty.
