Prezıdentke jobanyń tólqujaty tanystyrylyp, 2024 jyldyń tórtinshi toqsanynda ashylady dep josparlanǵan zaýyttyń úlgisi kórsetildi. Zaýyttyń óndiris aýmaǵy 100 myń sharshy metrden asady. Úsh avtokólik markasynyń árqaısysy úshin dánekerleý jáne qurastyrý jumystaryna arnalǵan jeke seh salynady.
Zaýyt iske qosylǵannan keıin onyń óndiristik qýaty jylyna 90 myńnan astam kólik shyǵarýǵa jetedi. Investısııanyń jalpy quny 100 mıllıard teńgeden asady. «Astana Motors» kompanııasy 2200-ge jýyq jumys ornyn ashady.
Qasym-Jomart Toqaev jobamen tanysqan soń zaýyt jumysshylarymen áńgimelesti.
– Bul joba elimizge óte qajet. Sondyqtan táýekel deımiz. Zaýyttyń jumysyna sáttilik tileımin. Qytaı Tóraǵasy Sı Szınpın myrza bıyl Qazaqstanǵa kelgen kezinde kelissóz júrgizdik. Sonyń ishinde osy joba týraly da áńgimelestik. Nátıjesinde, mine, bul joba iske asyryla bastady. Qutty bolsyn! – dedi Prezıdent.
