Pikir • 30 Qarasha, 2022

Kóp birikse – kúsh

43 ret kórsetildi

Qazir álemde jahandyq joıqyn jańǵyrýlar bolyp jatqany jasy­ryn emes. Shyntýaıtynda, úshinshi dúnıejúzilik soǵystyń salqy­ny da, yzǵary da seziledi. Ýkraına aspanyn ydyraý men ymyra­syzdyq­tyń qara bulty torlap tur. Júz myńdaǵan bosqyndar úmitsizdikten Reseıdi tastaı qashyp, shartarapqa shashyrap, údere kóshýde.

Álemdik tártip pen halyq­ara­lyq teńgerim túbegeıli ózge­riske ushyraýda. Jer-jahan muzdaı qursanyp, jappaı qarýlanýdan jarys júrip jatqan jaıy bar. Kúni keshegi úıren­shikti úılesimderimiz ben qalaýly qundylyqtarymyz qatygez synaqtardyń qursaýynda qaldy. Teledıdarlardyń kógildir aınalary men kompıýterlerdiń móldir monıtorlary kúnnen-kúnge túnere túsip, órtke oranǵan ushaqtar men tank qańqalaryn, tas-talqany shyqqan úı-jaı­lar men ǵımarattardyń úıindi­lerin, ajal qushqan Ýkraına jáne Reseı jaýyngerlerin kórsetýde. Álbette, bul búgingi álemniń eshbir ásireleýsiz bet-beınesi.

Tap qazir Qazaqstan da asa kúr­deli tańdaýdyń aldynda tur. Tarazy basynda, búgingi ýaqyt talqy­synyń ýysynda bizdiń balalarymyz ben nemerelerimizdiń bolashaǵy bar. Elimizdiń erteńiniń de prezıdent saılaýynda kimdi tańdaýymyzben tike­leı baılanys­ty ekeni anyq. Bılik basyna tanaýynan ári­degige tanymy jetpeıtin myń qubyl­ǵan sýmaqaılar men alaıaq­tar, qyzyl sózdi qymyzdaı sapyr­ǵan sózýarlar men jelbýaz dilmarlar kele me dep qoryq­tyq. Bar halqymyz úshin stra­tegııa­lyq úlken utylysqa ury­ný, barsha qazaq pen búkil qazaq­standyqtardyń birjola jeńilis tabýy op-ońaı edi.

Bul jaǵdaıdy bizdiń «Azamat – azamattyq bastama» qoǵamdyq birlestigi jaqsy túsinip, bola­shaqty aqylmen baǵamdaýǵa óner adamdary men zııalylardy jumyldyryp otyr.

Sondyqtan da keshegi prezıdent saılaýynda Qasym-Jomart Kemeluly Toqaev halyqtyń basym bóliginiń qoldaýyna ıe bolýy – eldiń nıeti, armany deı alamyz. Dıplomat qaıratkerdiń, asa qıyn jaǵdaıda úsh jyl eldiń bas ıesi bolǵan azamattyń orasan zor tájirıbesin bilip, tulǵalyq tereńdigin tanyǵandyqtan da halyq sheshimin – tarıhı tańdaý dep sanaımyz.

Qasym-Jomart Kemeluly Toqaev – alty til meńgergen maıtalman, tamasha elshi. Ol buryn Birikken Ulttar Uıymy Bas hat­shysynyń orynbasary laýazymynda bolǵan biregeı jady men ensıklopedııalyq bilimniń ıesi ǵana emes, qarapaıym halyqtyń shyn janashyry, el múddesi úshin eńbek sińirip júrgen eren saıasatker.

Ol – beımaza shaqta Qazaqstan mem­lekettiginiń kemesin týla­ǵan teńizderdiń beıbereket tol­qyn­darynan jaıly aǵystarǵa alyp shyǵýǵa qarymy men qaýqary jetetin, jaımashýaq jaǵalaýlarǵa bastaýǵa qabiletti qaıratker.

«Azamat – azamattyq bastama» qoǵamdyq birlestigi saılaý dodasy bastalǵanda Qasym-Jomart Kemeluly Toqaevqa barynsha qoldaý kórsetip, onyń eldegi saıası reformalardy iske asyratyn, jemqorlyqpen kúres júrgizetin jáne kópvektorly syrtqy saıasat baǵytyn ári qaraı damytatyn birden-bir tulǵa, kóshbasshy dep tanydy jáne solaı nasıhattady.

Ekinshi dúnıejúzilik soǵystan keıin bolyp kórmegen, endi ǵana tarıh sahnasyna shyǵyp turǵan qazirgi almaǵaıyptar kezeńinde Qazaqstan halqy úshin syrtqy saıa­satta durys tańdaý jasap, alys hám jaqyn kórshilerimizben stra­tegııalyq seriktestik pen ynty­maqtastyq baılanystardyń altyn kópirlerin qalyptastyrýǵa umty­lý asa mańyzdy ekeni daý týdyra qoımas. Biz syrtqy saıasattaǵy osynaý dúdámal dúrbeleńderden meılinshe az shyǵynmen, múmkin­digin­she mol tabyspen shyǵýǵa tyry­syp baǵýymyz kerek. Jara­tý­shy Iemiz alqalap, álemdik saıa­sı ahýaldyń ózi Qazaqstannyń postkeńestik keńistikte dárgeıli dáýletke aınalyp, gúldengen de damyǵan memleket bolýyna sırek múmkindikti usynyp turǵandaı. Biz bolsaq, Qazaqstannyń memle­kettigin nyǵaıtyp, eldi kúsheıte túsý Qasym-Jomart Kemeluly Toqaevtyń qolynan keletinine esh kúmán keltirmeımiz jáne sarabdal saıasattyń sardaryna úlken senim artamyz.

Iá, ekonomıkamyz ben óndiri­simiz eńsesin kótere almaı tur. Biraq Memleket basshysynyń baǵdarlamasy osy qıyndyqty eńseredi dep senemiz. О́ner men mádenıet salasy osy jolda rýhanı demeý, ıdeologııalyq járdemshi bolýǵa daıar. «Kóp birikse – kúsh». Bul bastamamyzdy basqa salalar da qoldaıdy dep oılaımyz.

 

Tuńǵyshbaı JAMANQULOV,

Qazaqstan Respýblıkasynyń halyq ártisi,

 

Serik MALEEV,

«Azamat – azamattyq bastama» birlestiginiń tóraǵasy

Sońǵy jańalyqtar

Qordyń qomaqty qoldaýy

Ekonomıka • Keshe

О́temaqyǵa ótinish ber

Ekonomıka • Keshe

Qymbatshylyq qaıda aparady?

Ekonomıka • Keshe

Otbasynda – 36 bala

Qoǵam • Keshe

Gazben tolyq qamtylǵan aýdan

Aımaqtar • Keshe

Sý basýdyń qaýip-qateri

Aımaqtar • Keshe

Tumaýdan saq bolyńyz!

Medısına • Keshe

Kúre joldaǵy apat

Aımaqtar • Keshe

Aqparattyq júıedegi aımaq

Aımaqtar • Keshe

Seni osylaı súıemin

Ádebıet • Keshe

Aǵash adam

Ádebıet • Keshe

Asyldyń synyǵy

Aımaqtar • Keshe

Uqsas jańalyqtar