«Biz ekonomıkany odan ári damytýǵa barynsha kúsh salýymyz kerek. Kelesi jyly IJО́ ósimi keminde 4 paıyz bolýǵa tıis. Al, aqshaǵa shaqqanda alǵash ret 250 mıllıard dollarǵa jetýi qajet. Ulttyq bank pen Úkimettiń aldynda taǵy bir mańyzdy mindet tur. Bul – ınflıasııany aýyzdyqtaý. Turmysy tómen turǵyndarǵa onyń qatty tıetini anyq. Osy máseleni sheshpesek, ekonomıkany órkendetý múmkin emes. Halyqtyń ál-aýqatyn arttyrý jáne elge ınvestısııa tartý qıynǵa soǵady», dedi Qasym-Jomart Toqaev.
Sondaı-aq ol jańa óndirister salyp, jumys oryndaryn ashý týraly aıtty.
«Ásirese, jastardy jumyspen qamtý óte mańyzdy. Áıtpese, ınflıasııanyń ósýinen azamattarymyz úlken zııan shegýi múmkin. Densaýlyq saqtaý jáne bilim berý júıesine basa nazar aýdarý qajet. Osy oraıda, barlyq josparymyzdyń oryndalý barysyn baqylaýǵa alý kerek. Sońǵy kezde keıbir aımaqtarda bolǵan tótenshe jaǵdaılar el ishinde qordalanǵan másele kóp ekenin kórsetti. Aldaǵy ýaqytta mundaı oqıǵalarǵa jol bermeý kerek. Bul – óńirlik saıasattaǵy negizgi mindettiń biri», dedi Prezıdent.
