Kollajdy jasaǵan Amangeldi Qııas, «EQ»
«OnlaınKazFınans» MQU AQ KASE-ge 2022 jylǵy 15 jeltoqsandaǵy jalǵyz aksıoneriniń «mıkroqarjy uıymynan bankke qaıta qurý nysanynda erikti túrde qaıta uıymdastyrýdy júzege asyrý» sheshimi týraly habarlady», delingen mátinde. Eske salaıyq, «OnlaınKazFınans» qarjylyq uıymy halyqaralyq IDF Eurasia qarjylyq tobynyń quramyna kiredi. Uıym Qazaqstan naryǵynda 2016 jyldan beri jumys istep kele jatyr. MQU negizinen jeke tulǵalar men shaǵyn jáne orta bızneske (ShOB) nesıe berýmen aınalysady. IDF Eurasia negizin salýshylardyń biri Borıs Batın 2021 jyly qazan aıynda otandyq Forbes basylymyna bergen suhbatynda uıymnyń bankke aınalý týraly oıy bar ekenin aıtqan edi.
«Bizdiń ondaı josparymyz bar. Qazirgi nesıe ónimderinen bólek qyzmet spektrin keńeıtkimiz keledi. Ásirese, ShOB klıentteri úshin. Negizinen, esepteý shottaryn iske qosyp, býhgalterııa júrgizip, karta shyǵaryp, tólem prosesin jolǵa qoıyp, aınalym qarajaty úshin nesıe usynǵymyz keledi. Munyń kóbi bank lısenzııasyn talap etedi. Bank atanǵan kezde qorlandyrý kózin ózgertpeımiz, tek keńeıtemiz. Qazirdiń ózinde qorlarmen sátti jumys istep jatyrmyz. Al depozıt qosymsha qarajat tartýdyń quraly bolyp qala beredi. Bankke aınalǵan soń tehnologııaǵa kóbirek mán berip, klıentterge qyzmet kórsetýdiń yńǵaıly úlgisin qalyptastyramyz. ShOB klıentteri úshin maksımaldy sapaly qyzmet usynǵymyz keledi. Qazir klıenttik bazamyzǵa sıfrlyq qyzmetterdi qalaı paıdalaný kerektigin úıretip, oqytyp jatyrmyz. О́ıtkeni bul olardyń ýaqytyn, kúsh-jigerin jáne resýrstaryn únemdeıdi», degen edi B.Batın.
Mıkroqarjy uıymdarynyń bankke aınalý perspektıvasyna qatysty Qarjy naryǵyn retteý jáne damytý agenttiginiń basshysy Mádına Ábilqasymova da pikir bildirgen.
«Bizdiń kózqarasymyz boıynsha birinshi kezekte ShOB-ty qoldaýǵa baǵyttalǵan iri MQU-ny bankterge aınaldyrýdyń obektıvti qajettiligi bar. Bul múmkindikti jaqyn arada júzege asyrǵymyz keledi. Atalǵan prosess básekelestikti yntalandyrady jáne tutynýshylarǵa qarjylyq qyzmetterdiń qoljetimdiligin arttyrady jáne qarjy ınstıtýttary úshin belgilengen jalpy prýdensıaldyq talaptar men standarttardy saqtaýdy kózdeıdi», degen edi Mádına Ábilqasymova.
Eske salaıyq, Qarjy naryǵyn retteý jáne damytý agenttigi 2022 jylǵy 22 qarashada «Mıkroqarjy uıymyn bankke aınaldyrý nysanynda erikti túrde qaıta uıymdastyrýǵa ruqsat berý qaǵıdalaryn, sondaı-aq mıkroqarjy uıymyn bankke aınaldyrý nysanynda erikti túrde qaıta uıymdastyrýǵa ýákiletti organnyń ruqsatyn berý úshin qajetti qujattar tizbesin, mıkroqarjy uıymyn bankke aınaldyrýǵa ýákiletti organnyń ruqsatyn alýǵa arnalǵan ótinishtiń, ruqsattyń nysandaryn jáne málimetterdiń nysandaryn bekitý týraly» basqarmanyń №93 qaýlysyn qabyldaǵan edi.
Qaýly 2022 jyldyń 12 qyrkúıeginen bastap qoldanysqa engizilgen «Qazaqstan Respýblıkasynyń keıbir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý, bank qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasy zańynyń normalaryn iske asyrý úshin ázirlendi.
Zań qoldanysqa engizilgenge deıin mıkroqarjy uıymdary banktik jáne ózge de operasııalardy júrgizýge lısenzııany jalpy tártippen ǵana ala alatyn.
Atap aıtqanda, mıkroqarjy uıymy retinde óz qyzmetin toqtatý; tıisti lısenzııany ýákiletti organǵa qaıtarý; kredıtorlar aldyndaǵy barlyq mindettemelerin oryndaý; jańa zańdy tulǵany tirkeý rásiminen ótý; bank ashýǵa ruqsat alý; sodan keıin banktik jáne ózge de operasııalardy júrgizýge lısenzııa alýǵa ótinish berý qajet boldy.
Mıkroqarjylyq qyzmettiń májbúrli túrde toqtatyla turýyna baılanysty bul rásimder mıkroqarjy uıymdary men olardyń klıentteriniń ornyqtylyǵyna teris áser etken bolar edi.
Bank operasııalaryn nemese ózge de operasııalardy júrgizýge lısenzııa alý kezinde mıkroqarjy uıymdary qyzmetiniń toqtap qalmaýyn qamtamasyz etý úshin Zańmen mıkroqarjy uıymyn bankke aınaldyrý nysanynda qaıta qurý múmkindigi kózdelip otyr. О́z kezeginde, qaýlymen mıkroqarjy uıymyn bankke aınaldyrý nysanynda erikti túrde qaıta uıymdastyrýǵa ruqsat berý tártibi, sondaı-aq mıkroqarjy uıymyn bankke aınaldyrý nysanynda erikti túrde qaıta uıymdastyrýǵa ýákiletti organnyń ruqsatyn berý úshin qajetti qujattar tizbesi aıqyndalady.
«Qaýlyny qabyldaý múddeli mıkroqarjy uıymdaryna bankke aınaldyrý rásimderine bastama jasaýǵa múmkindik beredi, olarǵa bank operasııalaryn jáne ózge de operasııalardy júrgizýge lısenzııa alý sátine deıin klıentterge qyzmet kórsetý múmkindigin beredi», delingen agenttik habarlamasynda.
Iаǵnı mıkroqarjy uıymy bank bolyp qaıta qurylý rásimin jasaý kezinde mıkroqarjy sýbektisi retinde óz klıentterine qyzmet kórsetýdi jalǵastyra beredi. Bul olardyń MQU retinde jumysynyń toqtap qalmaýyna múmkindik jasaıdy.
