Aqsýdaǵy jańa em-dom mekemeleri

Shyny kerek, buryn syrqat­tanyp kelgen naýqasty qýyqtaı bólmede qabyldaǵan medısına qyzmetkerleri za­man­ǵa saı jańa ǵımaratqa qonys­tan­ǵandaryna qýanyshty. Em izdegen jańǵa erinbeı kómek kórsetýge bar jaǵdaı jasalǵan nysan dáriger qaýymy úshin de mańyzdy ekeni daýsyz.

Kókózek aýylyndaǵy jańa medısınalyq pýnktte alǵashqy medısınalyq kómek kórsetý úshin barlyq jaǵdaı jasalǵan. Munda em-dom kórsetetin kabınet, egý jáne basqa da qajetti kabınetter bar, ystyq jáne sýyq sý, elektr jylýymen qam­tylǵan. Munda 760-tan astam turǵyn sapaly medısınalyq qyzmet ala alady.

Osy rette aıta keteıik, blok-modýldi tıptegi medısınalyq pýnktter aýyl turǵyndary úshin medısınalyq qyzmetterdiń qoljetimdiligi men sapasyn arttyrý máselesin qysqa merzimde sheshýge múmkindik beredi. Osy ádispen turǵyzylatyn nysandar qurylys jumystarynyń jyldamdyǵymen jáne sapasymen erekshelenedi, sondaı-aq nysan qurylysynyń quny tómendeý bolady. Osy tıptegi nysandar jobalyq-smetalyq qujattamalardy ázirleýdi qa­jet etpeıdi.

Saǵabúıen aýylynyń 2 myń­ǵa jýyq turǵyny jańa jyl qar­sańynda jańa medısınalyq ambýlatorııaǵa qol jetkizdi. Onyń qurylysy osy jyldyń kókteminde bastalǵan bolatyn. Ambýlatorııa bir aýysymda 25 adam­dy qabyldaýǵa arnalǵan.

Aýdan ákiminiń orynbasary Ǵazız Esjanovtyń aıtýyn­sha, zamanaýı medısınalyq jabdyqtarmen qamtylǵan jańa áleýmettik mańyzy bar ny­sandardyń ashylýynyń nátı­je­sinde, aýyl turǵyndary sapaly medısınalyq kómek ala alady. Odan bólek, Qarakemer aýylynda «Aýyl – el besigi» baǵ­darlamasy aıasynda taǵy bir jańa medısınalyq mekemeniń qurylysy júrgizilip jatqanyn jet­kizdi. Kóp uzamaı ondaǵy tur­ǵyndar da aýdan ortalyǵyna sa­bylmaıtyn bolady.

Jetisý oblysy