Arany Alataý bólip tur demesek, qyrǵyz ben qazaq tóskeıde maly, tósekte basy qosylǵan baýyr halyq ekeni álimsaqtan aıan. Eki el arasyndaǵy mádenı-ádebı baılanys ta eshqashan úzilmegen. Jambyl men Toqtoǵuldyń, Muhtar men Shyńǵystyń arasyndaǵy rýhanı tutastyq, dostyq ta sonyń bir aıǵaǵy ispetti.
Zańǵar jazýshy Shyńǵys Aıtmatovtyń 95 jyldyq mereıtoıy aıasynda Asqar Toqpanov atyndaǵy oblystyq qazaq drama teatry Qyrǵyz Respýblıkasynyń Talas qalasyna arnaıy issaparmen bardy.
Talastaǵy Kapar Medetbekov atyndaǵy mýzykalyq drama teatrǵa jınalǵan jurt bul kúni jambyldyq akterlerdiń sahnalaýyndaǵy Shyńǵys Aıtmatovtyń «Ana-Jer-Ana» qoıylymyn tamashalady. Álem tanyǵan qalamger shyǵarmasy jelisindegi spektakldi qazaq ónerpazdarynyń oryndaýynda kórgen jergilikti jurtshylyq jambyldyq akterlerge qoshemetin aıaǵan joq.
Budan keıin Talas shaharynyń basshylary qonaqjaılylyq tanytyp, Jambyl oblystyq qazaq drama teatrynyń ujymyn qaladaǵy mádenı nysandarǵa bastap bardy. Naqtyraq aıtar bolsaq, jambyldyqtar Talas tórindegi «Manas eposy» jáne klassık jazýshy Shyńǵys Aıtmatovtyń mýzeı-úıine ekskýrsııa jasady.
Asqar Toqpanov atyndaǵy oblystyq qazaq drama teatry ujymy Aıtmatov shyǵarmalary jelisinde kóptegen spektaklderdi sahnalap júr. Bul jumystar aldaǵy ýaqytta da toqtamaq emes. Daraboz tulǵa ómiriniń bir belesi Jambyl óńirimen de baılanysty. Sondyqtan da eki óńir arasyndaǵy rýhanı baılanys odan ármen jalǵasyn taba beredi.
Jambyl oblysy
Qoǵam • Búgin, 21:22
Sport • Búgin, 21:21
Ásker • Búgin, 21:20
Áskerılerdiń áleýmettik áleýeti
Ásker • Búgin, 21:19
Aımaqtar • Búgin, 21:17
Qoǵam • Búgin, 21:16
Uqsas jańalyqtar
