Ulystyń uly kúnine oraı ótkizilip jatqan is-sharalar aıasynda «Naýryz – ulttyq dástúr men meımandostyq merekesi» ataýymen, ulttyq bolmysymyz, mádenıetimiz ben kıimimizdi dáripteýge arnalǵan bastamany oblys ákimi Darhan Satybaldy usynypty. О́ńir basshysy ákimdiktegi apparattyń kezekti otyrysyn ulttyq kıimde ótkizdi. Áriptesterin kele jatqan Naýryz merekesimen quttyqtaǵan oblys ákimi ulttyq kıim memlekettik qyzmetshiniń bolmysyn erekshe etip kórsetetinin aıtyp ótti. «Mádenıetimiz ben dástúrimizdi qoldaǵan jón. Naýryz jaqsylyǵymen kelip, halqymyzdyń berekesi arta bersin», degen Darhan Satybaldy kún tártibindegi máselelerdi talqylap, tapsyrmalar berdi.
Qazaqtyń ulttyq kıimderi kóshpeli zamannyń salt-dástúrimen búginge deıin jalǵasyn taýyp keledi. Jyl mezgilderine saı arnaıy jasalǵan túrleri, erlerge, áıelderge, balalarǵa arnalǵan jáne taǵy da basqa jas ereksheligine qaraı bólinetin túri kóp kezdesedi. Pishinderi men naqyshtary ózgeshe taza ulttyq kıimniń búgingi zamanǵa sáıkestirile, suranysqa saı tigilgen túrleri de kóp. Eń ádemi kıim ulttyq kıim ekenin nasıhattap, jumysqa erekshe kóńil kúımen kelgen memlekettik qyzmetshilerge jergilikti jurt ta qyzyǵa qaraıdy. Barlyq memlekettik mekemelerdiń qyzmetkerleri qoldaǵan bul bastama jalǵasyn taýyp, aldaǵy ýaqytta da ulttyq kıim kııý dástúrge aınalmaq.
TÚRKISTAN
