Ádiletti Qazaqstanǵa nyq qadam

Saıası naýqanǵa qatysýdy paryzym dep bilgen 100 jasaǵan keıýana Saıra Baǵymbekova ala tańnan №41 saılaý ýchaskesinen tabyldy. Bul saıası naýqandy Ádiletti Qazaqstan qurýdaǵy jarqyn qadam dep baǵalaǵan ǵasyr qurdasy ýchaskege kelip jatqan jastarǵa aq batasyn berdi. О́ńir basshysy Nurjan Nurjigitov te alǵashqylardyń biri bolyp daýys berdi. Ol «Astana» shaǵyn aýdanyndaǵy №53 mektepte ornalasqan saılaý ýchaskesine baryp, tańdaý jasady.

Saılaýǵa ár salanyń úz­dikteri de belsendi túrde qa­tysty. Olardyń qatarynda Áýlıeata óńirinde ulttyq sport kókpardyń qarqyndy damýyna súbeli úles qosqan Nurdáý­let Mo­mynov ta bar. Jambyl aýda­ny­na qarasty Aısha bıbi eldi mekeninde ornalasqan №159 saılaý ýchaskesinde da­ýys bergen áıgili shabandoz saıa­sı naýqannyń el erteńi úshin mańyzy zor ekenin atap ótti.

«Saıası dodaǵa kil myqty úmitkerler qatysyp jatyr. Olardyń barlyǵynyń maqsaty aıqyn. El azamaty retinde men de saılaýǵa qatysyp, elimizdiń jarqyn keleshegi úshin daýys berdim. Májilis minberinen tabylǵan halyq qalaýlylary men jergilikti máslıhattarǵa saılanatyn depýtattar ulttyq sportty nazardan tys qaldyrmaıdy degen senim zor», dedi ol.

Taraz qalasyndaǵy №12 saılaý ýchaskesinde óz tańdaýyn jasaǵan oblystyń qurmetti azamaty, medısına ǵylymdarynyń doktory Saǵyndyq Ordabekov bıylǵy saılaýǵa jańa par­tııalardyń at qosqany saıası dodada básekelestikti arttyratynyna senimdi.

«Bıylǵy dodaǵa «Amanat», «Aq jol» partııalarynan bólek «Respublika», «Baıtaq» sekildi jańa partııalardyń qatysyp jatqany básekeni arttyra túsedi. Depýtattyq mandatqa ary taza, memleketshil, halyqtyń muńyn túsinetin azamattar ıe bolatyndyǵyna senemin. Bul – Ádiletti Qazaqstannyń talaby», deıdi ol.

Bul kúni Sarysý jerine sonaý Mańǵystaý oblysynan kelgen qudalar da óz tańdaýyn jasady. Jańatas qalasyna qyz berip, qudalyqqa kelgen mańǵystaýlyq qudalar saı­laýdyń mańyzdy ekenin aıtyp ótti. Qudalar Jańatas qala­syndaǵy sport kesheninde orna­lasqan №363 saılaý ýchaskesine baryp, daýys berdi.

Jambyl oblysy