Is-shara Úndistan men Qazaqstan arasyndaǵy mashına jasaý taýarlary men qyzmetteri salasyndaǵy yntymaqtastyqqa serpin berýge arnalǵan. Is-shara gıbrıdti formatta ótti. Talqylaý Úndistan-Qazaqstan ınjenerlik yntymaqtastyǵynyń bolashaǵyna jáne eki eldiń aǵymdaǵy yntymaqtastyǵyna negizdelgen eń úzdik qoljetimdi zamanaýı sheshimderge baǵyttalǵan.
Úndistannyń Qazaqstandaǵy Elshisi Shýbhdarshını trıpatı hanym óziniń quttyqtaý sózinde Úndistannyń mashına jasaý sektory sońǵy birneshe jylda ınfraqurylym men ónerkásiptik óndiriske ınvestısııalardyń ulǵaıýyna baılanysty aıtarlyqtaı ósýdiń kýási bolǵanyn atap ótti. О́ndiris jáne ınfraqurylym sektorlarymen tyǵyz baılanysty Mashına jasaý sektory Úndistan ekonomıkasy úshin strategııalyq mańyzǵa ıe ekenin Shýbhdarshını Trıpatı hanym atap ótti.
Qazaqstan tarapynan Qazaqstannyń Indýstrııa jáne ınfraqurylymdyq damý vıse-mınıstri Dınara Sheglova quttyqtaý sóz sóıledi. О́z sózinde ol Qazaqstanda mashına jasaýdyń ósý qarqyny turaqtylyq pen tıimdilikti kórsetetinin atap ótti. 2022 jyly sala óndirisiniń kólemi 3,1 trln teńgeni qurady jáne 2021 jylmen salystyrǵanda 30% - ǵa ósti (2,4 trln teńge). О́z sózin aıaqtaı otyryp, ol úndilik seriktesterdi EAEO-daǵy ishki naryqtyń jáne perspektıvaly ótkizý naryqtarynyń úlken kólemine baılanysty Qazaqstan Respýblıkasyn ındýstrııalandyrýǵa qatysýǵa shaqyrdy.
Úndistannyń jetekshi salalyq organdardyń ókilderi, atap aıtqanda, Úndistannyń qyzmetterdi eksporttaýǵa járdemdesý Keńesi (SEPC), Úndistannyń mashına jasaý eksportyna járdemdesý Keńesi (EEPC) jáne ınvestısııalardy kótermeleý jáne ilgeriletý jónindegi jetekshi agenttik Invest India Úndistannyń[ kompanııalardyń áleýetin kórsetý jáne yntymaqtastyqty keńeıtý joldaryn aıtý maqsatynda prezentasııalar jasady.
Qazaqstan mashına jasaý odaǵy dırektorynyń orynbasary Qýanysh Taıshybekov Qazaqstannyń mashına jasaý naryǵyna taldaý jasady. Ol Odaq sheteldik kásiporyndarǵa Qazaqstanda bıznes júrgizý úshin qolaıly ekonomıkalyq, qarjylyq jáne quqyqtyq jaǵdaılardy túsindirýde kómek kórsetýge daıyn ekenin atap ótti. Sózin aıaqtaı otyryp, ol Úndistan ónerkásibiniń ókilderin 2023 jyly Qazaqstandyq mashına jasaý forýmyna qosylýǵa shaqyrdy. AHQO keńesshisi Tımýr Sembınov úndilik delegasııaǵa AHQO qyzmetimen tanystyrý úshin prezentasııa usyndy.
Is-sharaǵa BMI bearings India, Van-Bent Minerals PVT, Distinct Techno Concept Pvt, Polymechplast Machines, Hilek Auto Industries, Rajendra Special Metals and alloys, Nexus alloys and Steels jáne t. b. sııaqty jetekshi Úndi ınjenerlik kompanııalary, sondaı-aq qazaqstandyq Tengis Plıýs, Amkador Astana, Qazkompressor, Elpa, UK-Injınırıng, Azam-KS sııaqty kompanııalar qatysty.
