Sıntetıkalyq esirtkimen kúres máselesi eń alǵash ret QR Prezıdenti janyndaǵy Jastar saıasaty jónindegi keńestiń 2022 jyly tamyz aıynda ótken otyrysynda qozǵalǵan.
2022 jyldyń qyrkúıek aıynda jarııalaǵan Joldaýynda Prezıdent sıntetıkalyq esirtkimen kúresti memlekettik saıasattyń basym baǵyttarynyń biri retinde atady. Odan bólek, Memleket basshysy bul máseleni óziniń saılaýaldy baǵdarlamasyna da engizdi.
Atalmysh strategııalyq qujattardy júzege asyrý aıasynda Qazaqstan Respýblıkasynyń nashaqorlyqqa jáne esirtki bıznesine qarsy 2023-2025 jyldarǵa arnalǵan keshendi josparynyń jobasy ázirlenip jatyr. Bul jumysqa Keńes músheleri de belsendi túrde qatysyp jatyr.
Búgingi kezdesýge Keńes múshelerimen qatar Ishki ister, Densaýlyq saqtaý, Oqý-aǵartý mınıstrlikteriniń basshylary qatysty. Olar sıntetıkalyq esirtkiniń taralýyna qarsy kúres, ázirlenip jatqan Keshendi jospar sheńberinde nashaqorlyqtan emdeý jáne ońaltý máseleleri baǵytynda atqarylǵan jumystar jaıynda baıandady.
Jıyn sońynda aqparattyq-profılaktıkalyq jumystarǵa jurtshylyqty belsendi qatystyra otyryp, memlekettik organdar úshin naqty usynymdar berildi.
