Eki qujatqa qol qoıyldy

Keshe Úkimet úıinde Premer-Mı­­nıstrdiń orynbasary – Qarjy mı­nıstri Baqyt Sultanov pen Shveı­sa­rııa­nyń Fe­deraldyq keńesshisi, Fede­ral­dyq Qarjy mınıstrliginiń basshy­sy Evelın Vıdmer-Shlıýmpftiń qol qoıýy­­men О́zara túsinistik memorandýmy bekitildi. Shveısarııa mınıstrliginiń basshysy elimizge eki kúndik saparmen kelip otyr. Ol Úkimet basshysynyń orynbasarymen kezdesý barysynda álemdik ekonomıkalyq daǵdarys kezeńindegi Qazaqstannyń daǵdarysty eńserý sharalarymen tanysty. Elimizdiń qarjy salasynyń jetekshisi óz kezeginde shveısarııalyq delegasııaǵa elimizdiń daǵdarysqa qarsy jasap jatqan amaldary jóninde áńgimeledi. «Álemdik ekonomıkalyq daǵdarys etek ala bastaǵan zamatta Qazaqstan 2009 jyly elimizdi ındýstrııalandyrý sharasyn qolǵa aldy. Atap aıtqanda, Údemeli ındýstrııalyq-ınnovasııalyq memlekettik damý baǵdarlamasyn túzip, ony belsendi túrde júzege asyrýǵa kirisip ketti. Nátıjesinde, daǵdarysqa deıingi ınvestısııa kólemi saqtalyp, el turǵyndarynyń jumyssyzdyq deńgeıi aıtarlyqtaı shegerilip, óz jemisin berdi», dedi B.Sultanov. Munymen qatar, el damýynyń negizgi faktorlary jóninde baıandaǵan vıse-premer, taıaý­da qabyldanǵan zańdar jóninde de túsinikteme berip ótti. О́z kezeginde Evelın Vıdmer-Shlıýmpft Qazaqstandy Ortalyq Azııadaǵy mańyzdy memlekettiń biri retinde atap, elimizdiń ınvestısııalyq klımaty shveısarııalyq iri kompanııalar men jekelegen bıznesmender úshin óte qolaıly ekenin aıtty. «Sonyń arqasynda shveısarlyq kásipkerler Qazaqstanǵa ınvestısııa salýǵa yntaly bolyp júr», dedi ol sóz arasynda. Kezdesý aıaqtalyp, О́zara túsinistik memorandýmyna qol qoıylǵan soń, B.Sultanov baspasóz ókilderine sharanyń mán-mańyzy jóninde aıtyp berdi. «Búgin «Tabys pen kapıtalǵa qosarlanǵan salyq salýdy boldyrmaý týraly konvensııaǵa hattamanyń erejesin keńeıtilgen talqylaý jónindegi» hatqa qol qoıdyq. Bul – bizdiń eldegi keıbir memlekettik vedomstvolardyń halyqaralyq deńgeıde qalypty jumys isteýine múmkindik beretin alǵysharttardyń biri. Atap aıtqanda, Keden komıteti men Qazynashylyq komıtetteriniń Shveısarııanyń osy salada qyzmet kórsetetin áriptesterimen ózara tájirıbe almasýyn qamtamasyz etedi. Tipti, eki el arasyndaǵy bıznes-áriptestiktiń de jaqsarýyna oń yqpalyn tıgizetindigine senimdimin», dedi Úkimet basshysynyń orynbasary. Eskerterimiz, bul sharadan tys shveısarııalyq delegasııa ókilderi elimizge jasaǵan eki kúndik sapary aıasynda Premer-Mınıstr Kárim Másimovpen, Syrtqy ister mınıstrliginiń jáne «Astana EKSPO-2017» UK» AQ-tyń basshylyǵymen kezdesýler ótkizdi. Nurbaı ELMURATOV, «Egemen Qazaqstan».