Kollajdy jasaǵan Amangeldi Qııas, «EQ»
Qosymsha Aýyl sharýashylyǵy janýarlarynyń bazasyn keńeıtýge kómektesedi, ol árbir mal ıesine (ShQ, JShS, JQSh t.b.) óz malyn túgendeýge kómektesedi. Qosymshanyń arqasynda veterınarlyq dárigerler veterınarlyq-profılaktıkalyq is-sharalardy ýaqtyly jáne tolyq kólemde júrgizýge de múmkindik alady.
Qosymsha smartfonda onlaın rejimde jumys isteıdi. Internet bolmaǵan jaǵdaıda, baǵdarlama jelige qosylǵannan keıin derekter jańartylady. Baǵdarlama arqyly veterınarlyq tólqujat alýǵa bolady jáne bolashaqta maldy satyp alý-satý, joǵaltqan tańbany aýystyrý, sondaı-aq soıǵannan keıin janýardy esepten shyǵarý rásimderin jasaýǵa múmkindik bar.
«TortTulik» aýyl turǵyndary úshin aqparattyq habqa aınalady. Mobıldi qosymshada salanyń sońǵy jańalyqtaryn taratý múmkindikteri, aldaǵy vaksınasııa týraly habarlamalar bar. Qosymsha jańartylǵan saıyn et satyp alýshylarǵa arnalǵan bólim engiziletin bolady. El turǵyndary «sogym.kz» qosymsha betinde tikeleı aýyl sharýashylyǵy taýaryn óndirýshiden janýardyń veterınarlyq baqylaýynan ótken tutas etine tapsyrys bere alady», delingen mınıstrlik habarlamasynda.
Ázirge «TortTulik» qosymshasyn Playmarket-ten júkteýge bolady. Ázirleýshiler qosymshanyń keıin iOS-taǵy smartfondarǵa beıimdeletinin aıtady. Aıta keteıik, búkil el boıynsha 1,5 mln mal ıesi mobıldi qosymshanyń áleýetti paıdalanýshylary bolady dep kútilip otyr.
