Kezdesý barysynda eki el arasyndaǵy strategııalyq seriktestikti odan ári nyǵaıtý, saýda jáne ekonomıka, ınvestısııa, kólik-logıstıka, energetıka salalaryndaǵy yntymaqtastyqty keńeıtý, sondaı-aq mádenı-gýmanıtarlyq baılanystardy tereńdetý máseleleri qarastyrylady.
Sondaı-aq Prezıdent 18 mamyrda Qytaıdyń iri kompanııalarynyń basshylarymen kezdesedi jáne memlekettik sapar aıasynda birqatar shara ótkizedi. Oǵan qosa, Prezıdent Sıan qalasyndaǵy qurǵaq portta Qazaqstannyń logıstıka ortalyǵynyń irgetasyn qalaý rásimine qatysady.
Memleket basshysy 19 mamyrda «Ortalyq Azııa – Qytaı» sammıtine qatysady. Sonymen qatar Prezıdent elimizdiń Sıan qalasyndaǵy Bas konsýldyǵynyń saltanatty túrde ashylý rásimine qatysady dep josparlanyp otyr.
