Shaǵyn jáne orta bıznes – mańyzdy sala

Memlekettik satyp alý, keden­dik jáne salyqtyq ákimshilendirý salasyndaǵy qoldanystaǵy zańnamanyń, sondaı-aq shaǵyn jáne orta bıznesti damytýdyń problemalyq máseleleri talqy­lanǵan basqosýǵa Senat­tyń Ekonomıkalyq saıasat, ın­no­­vasııalyq damý jáne kásipker­lik komı­tetiniń depýtattary Serik Shaıdarov pen Janna Asanova, «Atameken» QR UKP Tóral­qa tóraǵasy Raıymbek Batalov, Ulttyq ekonomıka, Qar­jy, Indýstrııa jáne ınfraqu­rylymdyq damý, Saýda jáne ıntegrasııa, Mádenıet jáne sport mınıstrlikteriniń ókilderi qatysyp, sóz sóıledi.

Kezdesýdi ashqan «О́ńir» depýtattyq tobynyń jetekshisi Serik Shaıdarov Memleket basshysy jyl saıynǵy Joldaý­laryn­da jáne bıznes ókilderimen kezdesý­lerinde shaǵyn jáne orta bız­nesti damytý mindetterine erek­she basymdyq beretinin atap ótti.

– Parlamenttiń birinshi ses­sııa­synyń ashylýynda Mem­leket basshysy aldaǵy ýaqytta orta bıznestiń básekege qabilettiligin arttyrý mindetin qoıdy. Bizdiń Palata óńirler turǵyndarynyń, onyń ishinde shaǵyn jáne orta bıznes ókilderiniń múddesin bildiredi jáne salalyq memlekettik organdarmen birlese otyryp osy saladaǵy zańnamany jetildirý boıynsha jumys istep keledi. Biz memlekettik satyp alý salasyn qosa alǵanda, shaǵyn jáne orta kásipkerlikke qatysty retteý rásimderin ońaılatý, salyqtyq yntalandyrý, ınvestısııalyq belsendilikti arttyrý, ákimshilik júktemeni azaıtý jónindegi sharalar usyndyq, – dedi senator.

Shaǵyn jáne orta bıznes – ekonomıkanyń eń mańyzdy salasy, onyń irgetasy. Kásipkerlik damymaı, memlekettiń ekonomı­kalyq jaǵdaıynyń turaqtylyǵy týraly aıtý qıyn. Osy oraıda senator Serik Shaıdarov bul kezdesý shaǵyn jáne orta bıznes sýbektileriniń qyzmetin jaqsartý baǵytynda qandaı sharalar qabyldanyp jatqanyn, olardyń problemalary men sheshimi qandaı, bul baǵytta depýtattardan qandaı kómek kerek ekenin bilý maqsatynda ótip otyrǵanyn atap ótti.

Kezdesý barysynda shaǵyn jáne orta bıznes qyzmetiniń ózekti máseleleri, onyń ishinde zańnamadaǵy olqylyqtardy sóz bolyp, salyq salý, mem­le­kettik satyp alý, kedendik ákim­shi­lendirý jáne týrızm sııaqty sa­lalardaǵy júıeli problemalar­dy sheshý joldary usynyldy. Se­nator Janna Asanovanyń aıtýyn­sha, búgingi tańda elimizde 1 mln 900 myńnan asa shaǵyn jáne or­ta kásipkerlik sýbektisi ju­mys isteıdi. Onyń ishindegi jeke ká­sipkerler úlesi – 66,6, sha­­ǵyn ká­sipkerliktiń zańdy tul­ǵa­la­ry – 21,1, sharýa nemese fer­mer qo­jalyqtary – 12,2, orta ká­sipkerliktiń zańdy tulǵalary – 0,2 paıyz. Shaǵyn jáne orta bız­nesti qoldaýdyń tolyqqandy sharalarynyń keshenin iske qosý qajettiligi, bıznestiń el damýyndaǵy óziniń joǵarǵy rólin tolyǵymen sezinýi kerek ekeni jaıynda sóz qozǵaǵan ol keıingi úsh jyl ishinde Senat depý­tattary kásipkerlikke qa­tys­­ty baǵyttar boıynsha bir­qa­tar zańdy qabyldaǵanyn aıtty.

– Memlekettik satyp alýlar, bırjalyq saýda, kedendik ákimshilik, tólem servısteri boıynsha zańdarǵa ózgerister engizildi. Bıznes-klımatty jaqsartý máseleleri boıyn­sha zańnamalyq aktilerge ózgerister men tolyqtyrýlar, sondaı-aq Kásipkerlik kodeks pen Konsessııalar týraly zańǵa ózgerister endi, – dedi ol.

Janna Asanova osy is-sharaǵa daıyndyq barysynda «Atameken» ulttyq kásipkerlik palatasymen birigip aımaqtarǵa qatysy bar ártúrli 120 júıeli problema jınaqtalǵanyn, olardyń birqatary paneldik seksııalarda talqylaný úshin baǵdarla­maǵa qosylǵanyn aıtty. «Bul baǵyttaǵy jumystar toqtamaýǵa tıis. О́ıtkeni el ishinde jáne ǵalamdyq deńgeıde qoǵamdyq-saıası, ekonomıkalyq jaǵdaılar jedel ózgeriske tú­sip jatqan zamanda zańnama­ny jetildirip otyrý – qalypty qubylys. «О́ńir» depýtattar toby aımaqtardy damytýǵa atsalysý maqsatynda óz ókilettikterimizdi erikti túrde júzege asyramyz. Bizdiń basym mindetimiz – zańnamany jetil­dirý boıynsha tıimdi usy­nystar jasaý úshin jergi­likti ahýal­ǵa monıtorıng júrgizý jáne usynymdar jınaý arqy­ly aımaqtar men ortalyq memle­kettik organdardyń úı­lesimdi qarym-qatynas orna­týy­­na járdemdesý», dedi senator.

«Atameken» UKP Tóralqa tóraǵasy Raıymbek Batalov senatorlar aldynda sóılegen sózinde shaǵyn jáne orta bıznesti damytýdaǵy jańa tásilder týraly málimet berdi. Parlamentshiler sondaı-aq jıynǵa qatysqan mınıstrlikter ókilderiniń baıandamalaryn tyńdady. Ortalyq memlekettik organdardyń ókilderi depýtat­tarǵa shaǵyn jáne orta bıznes ókilderimen ózara is-qımyl salasyndaǵy isterdiń qazirgi jaı-kúıi týraly baıandady.

Senatorlar sonymen qatar «О́ńir» depýtattyq tobymen pikirsaıys turǵysynda 4 otyrys uıymdastyrdy. Onda depýtattar, memlekettik organdardyń ókilderi jáne óńirlerden kelgen kásipkerler shaǵyn jáne orta bıznesti damytýdyń ózekti máse­lelerin talqylady. Oty­rys­qa qatysýshylar jınalys qory­tyndysy bo­ıyn­sha salalyq mem­lekettik organ­dardyń atyna ji­beriletin usynymdardy ázirledi.