Ulttyq mýzeıde «Mýzeıdiń qor saqtaý qyzmetin uıymdastyrý: teorııasy men praktıkasy» sımpozıýmy bolyp ótti. Is-sharada ártúrli irgeli taqyryptarǵa baıandama jasalyp, qordaly máseleler kóterildi. Alǵashqy bolyp sóz alǵan Ulttyq mýzeı dırektory Aıbek Sydyqov jıyndy ótkizý maqsatyna toqtaldy.
Sımpozıým úsh kezeńnen turdy: plenarlyq otyrys, paneldik sessııalar jáne praktıkalyq sabaq. Is-sharada «Mýzeılik qundylyqtar: jınaqtaý, esepke alý, saqtaý», «Qor irikteý komıssııasynyń otyrysyn uıymdastyrý» syndy baıandamalar jasalyp, qonaqtardyń nazaryn aýdartty.
– Basqosýda Ulttyq mýzeıdegi qor jumysy, ony uıymdastyrý, zattarmen qalaı jumys isteý, saqtaý, esepke alý, olardy jınaý máseleleri qarastyryldy. Osy oraıda qyzmetkerlerimiz aımaqtardan kelgen qor saqtaýshy mamandarmen tájirıbe almasty. Jıynda qor jınaqtaý máselesi kóterildi. Negizi qor jınaqtaý isi óte kúrdeli jumys. Bul turǵyda adamdarmen baılanysta bolý, mekemelerge hat jazý, issaparlarǵa barý, arheologııalyq, etnografııalyq ekspedısııalarǵa qatysý, olardan ákelgen zattardy durystap qujattaý máseleleri týyndaıdy, – deıdi Ulttyq mýzeıdiń bas saqtaýshysy Bátesh Rahmetjanqyzy.
Sımpozıýmda qundy oı-pikirler aıtylyp, is-shara sońynda mýzeı qyzmetkerleri men qonaqtarǵa arnaıy sertıfıkat tabystaldy.
