Is-sharada sóz alǵan Aqparat jáne qoǵamdyq damý mınıstri, Qazaqstan-Mońǵolııa úkimetaralyq komıssııasynyń teń tóraǵasy Darhan Qydyráli Mońǵolııa tarapynyń qonaqjaılylyǵyna alǵys bildirip, eki el arasyndaǵy saýda-ekonomıkalyq, aýyl sharýashylyǵy, kóliktik-logıstıkalyq, ınvestısııalyq salalardaǵy baılanystardyń qazirgi jaǵdaıyna toqtaldy.
2020 jyly pandemııaǵa baılanysty toqtap qalǵan «Ulanbatyr – Almaty – Ulanbatyr» baǵytyndaǵy áýe qatynasy qaıta iske qosyldy. Degenmen eki el astanalarynyń arasyn qosatyn áýe reısin ashý, sondaı-aq «Ulanbatyr – Hovd – О́skemen» baǵytynda áýe jáne avtokólik baılanysyn iske qosý kún tártibinde tur.
«Qazaqstan dostas ári baýyrlas Mońǵolııamen tyǵyz kópsalaly baılanysty damytýǵa múddeli jáne buǵan erekshe mán beredi. 2022 jyly eki el arasyndaǵy dıplomatııalyq qatynastardyń 30 jyldyq mereıtoıyn atap óttik. Bıyl Qazaqstan men Mońǵolııa arasyndaǵy dostyq qatynastar men yntymaqtastyq týraly shartqa qol qoıǵanyna da 30 jyl tolyp otyr», dedi D.Qydyráli.
Qos tarap Qazaqstan men Mońǵolııa arasyndaǵy saýda-ekonomıkalyq yntymaqtastyqty keńeıtýge jáne eki eldiń ekonomıkasynyń damýyna eleýli úles qosatyn iri jobalardy júzege asyrýǵa mán berdi. Sondaı-aq mádenıet, bilim, ǵylym, týrızm, aqparat, din, azamattyq qoǵamdy damytý jáne jastar saıasaty salalaryndaǵy baılanysty kúsheıtý jaıy qozǵaldy.
Mońǵolııanyń qarjy mı-nıstri, Qazaqstan-Mońǵolııa Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi úkimetaralyq komıssııanyń teń tóraǵasy Boldyn Javhlan ekijaqty qarym-qatynastyń áleýeti úlken ekenin aıtyp, Mońǵolııa aýyl sharýashylyǵy, onyń ishinde mal jáne egin sharýashylyǵy baǵytynda Qazaqstanmen tájirıbe almasýǵa múddeli ekenin bildirdi.
Otyrys qorytyndysynda teń tóraǵalar komıssııa hattamasyna qol qoıý rásimin jasady. Sonymen birge Qazaqstan Respýblıkasy Ekologııa jáne tabıǵı resýrstar mınıstrligi men Mońǵolııanyń Qorshaǵan orta jáne týrızm mınıstrligi tabıǵat qorǵaý boıynsha ózara memorandýmǵa qol qoıdy.
Osy sapar barysynda Aqparat jáne qoǵamdyq damý mınıstri Darhan Qydyráli Mońǵolııanyń Bilim jáne ǵylym mınıstri Lývsanseren Enh-Amgalanmen kezdesti.
«Mońǵolııa Qazaqstan úshin senimdi seriktes sanalady jáne elimiz ártúrli salalardaǵy ózara tıimdi qarym-qatynastardy damytýǵa úlken mán berip keledi. Halyqaralyq uıymdarda da tyǵyz áriptestigimiz bar. Osy oraıda eki el arasynda bilim jáne ǵylym, aqparat, arheologııa salasynda, ásirese, ortaq mýzeı ashý, kóshpeliler tarıhyn birge zertteýde birigip jumys isteýge nıetimiz bar. Kúni keshe Mońǵolııanyń UBS arnasy men «Habar» telearnasy ózara yntymaqtastyq týraly memorandýmǵa qol qoıdy. Bul baǵyttaǵy jumysymyz jalǵasady», – dedi mınıstr.
Sonymen birge D.Qydyráli mınıstrliktiń jumysynan aqparat berip, aldaǵy ýaqytta birge jumys isteýge nıetti ekenin jetkizdi. О́z kezeginde Lývsanseren Enh-Amgalan myrza qos memleket arasynda tyǵyz baılanys bar ekenin jáne bilim, mádenıet, arheologııa salasyndaǵy ortaq jobalar jasaý týraly D.Qydyráliniń usynystaryn qoldaıtynyn aıtty. Taraptar úkimetaralyq granttar aıasynda stýdentterdi oqytý, akademııalyq baılanys ornatý, mádenı-gýmanıtarlyq qarym-qatynastardy nyǵaıtý jaıyn talqylady.
Sondaı-aq Mońǵolııa prezıdenti Ýhnaagıın Húrelsúh Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi komıssııanyń 9-otyrysyna kelgen Qazaqstan delegasııasyn qabyldady. Ol Qazaqstan men Mońǵolııa arasyndaǵy baılanysqa joǵary baǵa beretinin aıtyp, komıssııa jumysyna sáttilik tiledi.
Aqparat jáne qoǵamdyq damý mınıstri, Qazaqstan-Mońǵolııa úkimetaralyq komıssııasynyń teń tóraǵasy Darhan Qydyráli prezıdentke tyǵyz jumys kestesine qaramastan, delegasııany qabyldaǵany úshin alǵysyn jetkizdi.Munan soń taraptar eki el arasyndaǵy mádenı-gýmanıtarlyq, ekonomıkalyq baılanys týraly sóz qozǵady.
