Fermerlerge – 7,5 mlrd teńge

Aýyl sharýashylyǵy mınıstrliginiń habarlaýynsha, buǵan deıin gosagro.kz portalynda ótinimderdiń úshten biri qabyldanbady. Memlekettik qoldaýdan bas tartýdyń negizgi sebebi bekitilgen sýbsıdııalaý qaǵıdalaryna sáıkes 2023 jyly 1 qańtarda kúshine engen agrohımııalyq kartogrammalardyń bolmaýy, sondaı-aq alqaptardy sıfrlandyrýdaǵy qıyndyq­tardyń týyndaýy. Soltústik aımaqtarmen salystyrǵanda ońtústikte shaǵyn egistikteri bar fermerler basym.

Bul máseleni sheshý úshin salalyq vedomstvo 2023 jyly 25 sáýirde joǵaryda atalǵan Qaǵıdalarǵa agrohımııalyq kartogrammalardy paıdalaný jónindegi talapty alyp tastaý boıynsha túzetýlerdi bekitti, sondaı-aq 2023 jylǵy 31 jeltoqsanǵa deıin «Qazaqstan Ǵarysh Sapary «UK» AQ arqyly egistikterdi sıfrlandyrýdy keıinge qaldyrý engizildi.

Belgilengen merzimge deıin fermerler osy egistikterdi quqyq belgileıtin qujattarǵa sáıkes mindetti túrde túzetýi qajet ekenin atap ótken jón. Tıisti kesteni AShM «Qazaqstan Ǵarysh Sapary «UK» AQ-men birlesip daıyndap jatyr.

Sondaı-aq sýbsıdııalardy alýǵa oblys ákimdikteriniń tyńaıtqyshtardy sýbsı­dııalaý tizbeleri men normalary týraly tıisti qaýlylarynyń bolmaýy kedergi bol­dy. Jergilikti atqarýshy organdar nor­ma­tıvterdi tek naýryz aıynan bas­tap, mamyrǵa deıin bekite bastady. Atap aıtqanda, Atyraý oblysynda qaýly osy kúnge deıin qabyldanǵan joq. О́ńirlik ákimdiktiń aqparaty boıynsha qujat jaqyn arada bekitiletin bolady.

Jalpy, tyńaıtqyshtardy sýbsıdııalaýǵa ótinim­der­di berý gosagro.kz portaly arqy­ly tolyq avtomat­tandyrylǵan, derekterdi «qolmen» engizýge jol bermeıdi. Bul memle­ket­tik qoldaý  kezinde adamı faktordy bol­dyrmaıdy, ıaǵnı bıýdjet qarajatyn tıim­di jáne utymdy paıdalanýǵa múmkindik beredi.