Kásibı mansabynda «Taraz», «Astana», «Shahter» sekildi ózge de birneshe klýbtyń jeıdesin kıgen sańlaq fýtbolshy búginde medıa lıga komandalarynyń birinde baq synap júr. Jasyl alańda jankúıerlerdi sheberligimen tánti etken Ulan Taraz qalasynyń balalaryna tamasha tartý jasady.
«Qarataý» shaǵyn aýdanynyń balalary endi «Ulan Arena» alańynda dop tebedi. Shaǵyn aýdanǵa qarasty №29, №30 úıdiń aýlasynan ashylǵan alań jergilikti balalarǵa zor qýanysh syılady. Jańa fýtbol alańynyń ashylý saltanatyna qatysqan jasóspirimder Ulan Qonysbaev sekildi belgili fýtbolshy ataný úshin ter tógemiz dep otyr.
Jerlesimiz tartý etken «Ulan Arena» fýtbol alańynyń ashylý saltanatyna Taraz qalasy ákiminiń orynbasary Dáýir Dáýletov qatysyp, fýtbolshyǵa, onyń ákesi Ábıirbek Qonysbaevqa shahar turǵyndarynyń rızashylyǵyn jetkizdi.
Is-shara barysynda aýla turǵyndary da áıgili fýtbolshyǵa aqjarma tilekterin jetkizip, burysh-buryshta dop teýip júrgen balalaryna qamqorlyq jasaǵany úshin alǵys aıtty. Jańa alańnyń ashylý saltanatynda Ulan Qonysbaevtyń ómir jolynan, kásibı mansabynan syr shertetin «Fýtbol jáne men» kitabynyń tanystyrylymy uıymdastyryldy.
TARAZ
