«Keńes» áleýmettik beıimdeý jáne eńbekti ońaltý jobasy 2023 jyldyń kókteminen bastap, partııanyń saılaýaldy baǵdarlamasyn iske asyrý jónindegi jol kartasy sheńberinde ashyldy.
«Keńes» ortalyǵy damý patologııasy bar jáne 3 jasqa deıingi qaýip-qater tobyndaǵy balalarǵa, sondaı-aq 3 jastan 7 jasqa deıingi damýynda kidirisi bar balalarǵa baǵyttalǵan keshendi sıpattaǵy qyzmetter kórsetedi. Jobanyń ashylýynan bastap 140 bala (0-den 3 jasqa deıin) keshendi psıhologııalyq-túzetý qyzmetterimen qamtyldy jáne 400-den astam frontaldy jáne jeke sıpattaǵy sabaqtar ótti.
«Bizdiń ortalyqtyń basty mindeti qoǵamda erekshe balalar úshin jaǵymdy ahýal qalyptastyrý jáne olardy tárbıeleý men oqytýda keshendi tásildi qamtamasyz etý bolyp tabylady. Budan basqa, biz qol jetimdi baǵdarlamany ıgere alatyn balalarǵa bolashaqta arnaıy mektepterde oqýǵa múmkindik beremiz, buǵan deıin arnaıy daıyndyqsyz múmkin bolmady», dedi ortalyqtyń bas dırektory Maıra Súleeva.
Kezdesý barysynda depýtattar ortalyqtyń jumysymen tanysyp, balalardyń ata-analarymen jáne mamandarmen sóılesti, sondaı-aq erekshe balalarmen sabaqtarǵa qatysty. Olar erte aralasý salasyndaǵy mamandardyń balalarǵa kedergilerdi jeńýge jáne tolyqqandy damýǵa qalaı kómektesetinin kórdi.
«Damý patologııasy bar balalardy jáne qaýip-qater tobyndaǵy balalardy qoldaýdyń tıimdi júıesin qurý úshin úsh mınıstrliktiń ıaǵnı, Densaýlyq saqtaý, Bilim Mınıstrliginiń jáne Eńbek jáne halyqty áleýmettik qorǵaý mınıstrliginiń tikeleı ózara is-qımyly qajet. Bul aspektini biz «Keńes» ortalyǵy búkil respýblıkaǵa úlgi bolsyn dep Jol kartasyna engizetin bolamyz, onda mamandar alǵan tájirıbesin Qazaqstan boıynsha taratý úshin oqytýdan óte alady», dedi Májilis depýtaty Sergeı Ponomarev.
Sonymen qatar depýtattar erekshe qajettilikteri bar balalardy damytýǵa baǵyttalǵan áleýmettik jobalarǵa memlekettik qoldaý men ınvestısııalardyń mańyzdylyǵyna toqtaldy.
«Biz erekshe balalarmen jumys isteýge baılanysty mamandyqtar boıynsha granttardy ulǵaıtýǵa qol jetkizýimiz kerek jáne osy salada bilimniń qoljetimdiligin qamtamasyz etýimiz kerek. Sonymen qatar bizdiń qoldaý júıemizdi nyǵaıtý balalardyń damýyna mamandandyrylǵan psıhologtardyń sanyn kóbeıtýdi talap etedi. Tek osylaı ǵana biz ár balanyń tolyqqandy damýyn qamtamasyz ete alamyz jáne eshkim shette qalmaıtyn ınklıýzıvti qoǵam qura alamyz», dedi Aıdos Sarym.
