Avtosaqtandyrý jeńildetiledi

Eger JKO-ǵa eki kólik qana qa­tyssa, adamdardyń ómiri men densaýlyǵyna zııan keltirilmese, úshinshi tulǵalardyń múlki zardap shekpese, Eýrohattama qolda­nylady. JKO-ǵa qatysýshylarda qold­a­nystaǵy mindetti avtosaq­tan­dyrý polısi bolýǵa tıis. Taraptar kimniń kináli, JKO saldarynan kimniń zardap shekkeni týraly kelisimge kelýge, zalal­ so­masy belgilengen lımıt (100 AEK) sheginde bolatynyn keli­sýge tıis.

Osy jylǵy úshinshi toq­san­da saqtandyrý naryǵyna qaty­sý­shylar mobıldi qosymshany test nusqasynda paıdalana bastaıdy. Tórtinshi toqsanda qosymshany qanatqaqty rejimde synaq­tan­ ótkizý josparlanyp otyr. Mobıl­­di qosymsha 2024 jylǵy 1 qań­tardan bastap paıdalanýǵa beriledi dep josparlanǵan.

Eýrohattama úderisti edáýir jeńildetip, saqtandyrý tólem­derin alý merzimin qysqartady, sonymen qatar joldaǵy keptelis sanyn azaıtady.

О́z kezeginde Qarjy naryǵyn retteý jáne damytý agenttigi 2024 jyldyń basynan bas­tap kúshine enetin mindetti avtosaqtandyrý boıynsha tarıfterdi esepteýdiń jańa tásilderi boıynsha óz josparyn usynbaq. Sonyń aıasyn­da­ avtokólik ıeleri úshin saq­tan­dy­rý­dyń barabar jáne ádil quny anyq­talmaq. Avto­saq­tandyrý qunyn esepteý úshin agen­ttik jyl saıyn saqtandyrý sta­tıs­tı­kasynyń Biryńǵaı saq­tan­dyrý derekqorynda jınalǵan derek­ter negizinde naqty óńir­ler­degi kólik quraldaryn tirkeý shy­ǵyndylyǵyn eskere otyryp, avtosaqtandyrý qunyn esepteý úshin túzetý koeffısıentin bekitedi.

Ikemdi tarıfter júıesin engi­zýge daıyndyq jumysy bıyl jyl sońyna deıin júrgizilmek.

Keler jyldan bastap mi­n­detti avt­o­­­saq­tandyrý boıynsha saq­­tan­­­­­dy­rý syılyqaqysy jańa tarıftermen esepteledi.