Májilis depýtaty, AMANAT partııasy fraksııasynyń múshesi Erlan Ábdıev erekshe qajettiligi bar adamdardyń máselesin jıi qozǵap, olarǵa áýe bıletine jeńildik qarastyrý kerek ekenin depýtattyq saýaldarynda kótergen edi.
«Meniń alǵashqy depýtattyq saýalymnyń biri múgedektigi bar jandarǵa áýe bıletine jeńildiktiń joqtyǵy jaıly boldy. Osy másele boıynsha Parlament qabyrǵasynda taqyryptyq otyrys uıymdastyrdym. Oǵan memlekettik organdar men áýekompanııalardyń ókilderi qatysty. Áýetasymaldaýshylardyń biri múmkindigi shekteýli jandarǵa jeńildikter jarııalady», dep jazdy Erlan Ábdıev óziniń áleýmettik jelidegi paraqshasynda.
