Foto: EHÁQM resmı saıty
«Syrtqy ister mınıstrliginiń dereginshe, bıylǵy birinshi toqsandaǵy esep boıynsha Qazaqstannyń 194 myńnan astam azamaty shetelde jumys istep júr. Biz Túrkııa, Birikken Arab Ámirlikteri, Ulybrıtanııa jáne basqa da eldermen ondaǵy Qazaqstan azamattarynyń eńbek quqyqtaryn qorǵaıtyn jańa kelisimderge bastamashylyq etý úshin qosymsha sharalar qabyldadyq», dedi EHÁQM basshysy.
Qazirgi tańda azamattardyń Ońtústik Koreıada jumysqa zańdy túrde ornalasýy úshin Qazaqstandy «Eńbekke ruqsat berý júıesine» (Employment permit System – EPS) qosý máselesi pysyqtalýda.
«Migration.enbek.kz saıtyna tirkele otyryp, col júıe arqyly jumysqa ornalasýǵa bolady. Sonymen birge qujattardy rásimdeý, mindetti medısınalyq tekserýden ótý jáne taǵy basqa mindettemeler boıynsha kómektesý úshin tıisti jumystardy eńbek utqyrlyǵy ortalyqtary júrgizedi», dedi mınıstr.
