Pavlodar oblysynyń ákimi Asaıyn Baıhanovtyń aıtýynsha, búginde magıstraldyq jáne oramishilik jelilerge júrgizilgen gıdravlıkalyq synaqtar nátıjesinde anyqtalǵan 304 aqaý joıylyp, 62 shaqyrym qubyr men 95 dana bekitý armatýrasynyń 76-sy aýystyryldy. Sondaı-aq Úkimet rezervinen bólingen qarajat esebinen 5,4 shaqyrym jylý magıstrali jańartylyp jatyr.
Jalpy, oblys ákimdiginiń málimeti boıynsha, Ekibastuzdaǵy apatty jaǵdaılardyń aldyn alý úshin eki jobany iske asyrý asa qajet. Birinshi joba – Ekibastuz JEO-na tehnıkalyq sýdyń úzdiksiz berilýin qamtamasyz etetin magıstraldyq qubyr qurylysy. Ekinshisi – jańa jylý magıstraliniń qurylysy. Bul qalanyń tórt shaǵyn aýdanyndaǵy jylý júıesiniń teńgerimdiligin qamtamasyz etip, 9 myńnan astam qala turǵynyn jylýmen qamtamasyz etý parametrlerin aıtarlyqtaı jaqsartady.
