Foto: Úkimettiń baspasóz qyzmeti
О́z kezeginde Jezqazǵan JEO-da «Qazaqmys Enerdjı» AQ basshylary aldaǵy jylý berý maýsymyna daıyndyq jáne stansany jańǵyrtý josparlary týraly baıandady.
Birinshi vıse-premer Jezqazǵan qalasyndaǵy jylý jelilerin kúrdeli jóndeý jumystarynyń barysyn da tekserdi. Qazirgi ýaqytta jumys josparly kesteden ozyp keledi. Jelilerdi kúrdeli jóndeý jaqyn arada salynyp jatqan oblys ortalyǵynyń jańa shaǵyn aýdandaryn jylý energııasymen qamtamasyz etý máselesin sheshýge múmkindik beredi.
Sonymen qatar oblys ortalyǵyn sýmen qamtý jobasy da talqylandy. Delegasııa Jezqazǵan qalasyndaǵy «Uıtas-Aıdos» sý qubyry jáne gıdrosehynyń qurylys alańynda boldy. Jobalar respýblıkalyq bıýdjet esebinen júzege asyrylyp otyr (tıisinshe 4,2 mlrd teńge jáne 6 mlrd teńge). Qurylys jumystary kestege sáıkes júrgizilip keledi.
R.Sklıar Jezqazǵan qalasyndaǵy kópqabatty 11 jańa turǵyn úıdiń (972 páter) qurylys alańynda da boldy. Nysandardy aıaqtaý kelesi jyldyń sońyna josparlanǵan.
Sapar qorytyndysyna sáıkes Premer-mınıstrdiń birinshi orynbasary salalyq mınıstrlikter men Ulytaý oblysynyń ákimdigine jobalardyń sapaly ári ýaqtyly júzege asyrylýyn qamtamasyz etý jóninde naqty tapsyrmalar berdi.
