Foto: Shákir Keıkinulynyń Facebook paraqshasy
Atyraýda memlekettik mereke kúnderi avtobýstar tegin qatynaıdy. Qala ákimi osy ıgi dástúr bilim kúninde de jalǵasatynyn aıtty.
«О́zimniń tarapymnan oqý jylynyń alǵashqy kúniniń mańyzdylyǵyn eskerip, ata-analar men oqýshylardyń, muǵalimder men basqa da qala turǵyndaryna kóterińki kóńil-kúı syılaý maqsatynda avtobýsta tegin qatynaý týraly «Aqjaıyq», «Atyraý», «Alǵabýs» avtoparki basshylaryna usynys bildirgen bolatynmyn. Atalǵan avtopark basshylary usynysymdy biraýyzdan qoldap, 1 qyrkúıek kúni Atyraý qalasy jáne qalaǵa qarasty eldi mekenderge qatynaıtyn barlyq marshrýttaǵy avtobýstardyń tegin qyzmet kórsetýge daıyn ekenin aıtty», dep jazdy Shákir Keıkinuly.
Osy oraıda ol atalǵan aksııany qoldaǵan avtopark basshylary men qyzmetkerlerine alǵys aıtyp, jańa oqý jylyna sáttilik tiledi.
