Depýtattarǵa Aqtóbe oblysynyń ákimi laýazymyna Nurlan Qasymhanuly Qyzbergenov pen Ashat Berleshuly Shaharovtyń kandıdatýrasy usynyldy.
Ashyq daýys berýdiń nátıjesinde 119 depýtat Ashat Shaharovqa, 55 depýtat Nurlan Qyzbergenovke daýys berdi. Jınalysqa barlyǵy 174 depýtat qatysty.
Daýys berý qorytyndysy boıynsha Memleket basshysy Ashat Shaharovty Aqtóbe oblysynyń ákimi laýazymyna taǵaıyndaý týraly Jarlyqqa qol qoıdy.
Oblys aktıvimen kezdesý barysynda Oljas Bektenov óńirdiń jańa ákimin tanystyrdy. Prezıdent Ákimshiligi basshysynyń aıtýynsha, Ashat Shaharovtyń jaýapty basshylyq qyzmetterde mol tájirıbesi bar. Ol ár jyldary Batys Qazaqstan oblysy Qaratóbe jáne Zelenov aýdandarynyń, Aqtóbe qalasynyń ákimi boldy.
Oljas Bektenov elimizdiń iri óndiristik aımaǵy sanalatyn oblysty damytýǵa zor úles qosqany úshin Eraly Toǵjanovqa alǵys aıtty.
Sonymen qatar Memleket basshysynyń bıylǵy 1 qyrkúıektegi Joldaýynda bergen tapsyrmalaryna aıryqsha nazar aýdaryldy. Oblys ákimdigine óndiris pen aýyl sharýashylyǵyn odan ári damytý, jańa jumys oryndaryn ashý, shaǵyn jáne orta bıznesti qoldaý, avtomagıstral jelisin damytý, úleskerlerdiń máselelerin sheshý mindeti júkteldi.
Budan bólek, Prezıdent Ákimshiliginiń basshysy jergilikti bılik organdarynyń ókilderi azamattarmen jan-jaqty baılanys ornatýy qajet ekenin atap ótti.
Jıyn sońynda Oljas Bektenov Ashat Shaharovqa Aqtóbe oblysynyń ákimi laýazymyndaǵy jaýapty qyzmetine tabys tiledi.
