Foto: baribar.kz
Dástúrli túrde ótip kele jatqan kıno merekesine ár jyldary Tbılısıden Iаkýtııaǵa, Tashkentten Lıssabonǵa deıin 85 kınematograf BAIQONYR-dyń laýreattary atanǵan. Bıylǵy jyly ótken Qazaqstan kınosynshylary qaýymdastyǵy ulttyq syılyǵynyń jeńimpazdaryn marapattaý rásiminde BAIQONYR-dyń prezıdenti Ánýar Kenjebaev «Festıval qozǵalysyna qosqan úlesi úshin» arnaıy syılyǵynyń ıegeri boldy. Bul festıval bedeliniń óskenin kórsetetin jarqyn mysal. Festıvaldiń taǵy bir ereksheligi, osy jyldar ishinde kınofestıval memlekettiń qarjylyq qoldaýynsyz ótkizilip keledi.
Festıval Darhan Tólegenovtiń «Aǵaıyndylar» fılmimen ashyldy. Bul shyǵarmashylyq jolyn «Baıqońyrdan» bastaǵan rejısserdiń tolyqmetrajdy debıýti. Kartına sheteldik festıvaldarde birneshe marapatqa ıe boldy, olardyń ishindegi eń mańyzdysy – Germanııadaǵy bedeldi Oldenburg International Film Festival qazylar alqasynyń arnaıy júldesi. Týyndy osy kúzde prokatqa shyǵady.
«Darhan Tólegenovtiń «Aǵaıyndylar» fılminen basqa, bizde Mıhaıl Kýlýnakovtyń «Soqpaq» fılminiń konkýrstan tys kórsetilimi bolady. Eki rejısser de kezinde festıvaldiń qysqametrajdy fılmder baıqaýyna qatysqan. Endi bizge tolyqmetrajdy debıýtterimen qaıta oralyp otyr. Menińshe, bul tamasha jetistik», deıdi Baiqonyr kınofestıvaliniń baǵdarlamalyq dırektory Erjan Jumabekov.
Bıylǵy jyldyń taǵy bir jańalyǵy, BAIQONYR aıasynda jeke anımasııalyq kınofestıval – ALMATY ANIMATION FESTIVAL ótedi.
Kórermender «Arman» kınoortalyǵynda tamashalaıtyn jalpy konkýrstyq baǵdarlama bylaısha túzilgen:
BAIQONYR festıvali, onyń ishinde halyqaralyq kórkem jáne derekti qysqametrajdy fılmder baıqaýy (6 elden 18 fılm) jáne ulttyq kórkem jáne derekti qysqametrajdy fılmder baıqaýy (20 fılm);
ALMATY ANIMATION FESTIVAL festıvali, onyń ishinde negizgi baıqaý (21 fılm, 4 el, sondaı-aq Reseı, Fransııa jáne Kanada birlesip shyǵarǵan fılm) jáne halyqaralyq stýdenttik anımasııalyq fılmder baıqaýy (23 týyndy).
Konkýrstan tys baǵdarlama da qyzyqty bolady dep kútilýde. Kınofestıval aıasynda TMD elderiniń kınotanýshylary men synshylarynyń II forýmy ótedi, onyń jumysyna ártúrli elderden 20-dan astam maman qatysady. Bilim berý baǵdarlamasynyń aıasy da keń: tanymal sheberlerdiń dáristeri, kınoındýstrııanyń ózekti máseleleri boıynsha dóńgelek ústelder, jańa jobalardyń tusaýkeserleri qamtylǵan.
8 qyrkúıekte ótetin Koreı anımasııalyq kınosy kúni konkýrstan tys baǵdarlamanyń mańyzdy oqıǵasy retinde josparlanǵan. Ol koreı-qazaq anımasııasynyń arnaıy aýqymdy jobasy aıasynda ótkiziledi. Koreı tarapynan seriktes – Pýchhondaǵy Halyqaralyq anımasııa festıvali (BIAF).
Is-sharaǵa Ońtústik Koreıadan anımasııa rejısserleri Lı Son Gan men Im Cherın keledi. Olar óz týyndylaryn usynyp, kórermenderdi qyzyqtyrǵan suraqtarǵa jaýap beredi. Sonymen qatar Cherın dáris oqıdy, al Lı Son Gan qazaqstandyq jas avtorlarǵa sheberlik sabaǵyn ótkizedi.
Kınorejısserlarmen birge K-pop mýzykasynyń tanylyp kele jatqan jas juldyzy Pek A Ion-de keledi, ol fılmderdiń birinde basty keıipkerdi dybystaǵan. K-pop janrynyń jankúıerlerin úlken tosyn syı kútip tur – olar Pek A Ionniń eki ánin jandy daýysta tyńdaı alady.
Festıval dástúrli túrde TMD-ǵa qatysýshy memleketterdiń Memleketaralyq gýmanıtarlyq yntymaqtastyq qorynyń qoldaýymen ótkiziledi.
