«Adam quqyǵyn qorǵaý salasynda mańyzdy qadamdar jasaldy. Ádildikti jáne zań ústemdigin ornatý úshin aýqymdy jumys júrgizilip jatyr. Sheshim qabyldaý úderisine azamattardyń qatysý múmkindigi artty. Qoǵamnyń saıası mádenıeti múlde jańa sıpatqa ıe boldy», dep Prezıdent osy Joldaýynda atap kórsetkendeı, qazirgi kúnde jańa Qazaqstan qurýǵa bet burǵan elimizde aldymen ádildikti tuǵyr etken zań ústemdigin ornatýdyń mańyzy zor. О́ıtkeni, azamattyq qoǵam, adam quqyǵy táýelsiz memleketimiz úshin basty orynda.
Barshańyzǵa belgili ótken jyly Memleket basshysynyń bastamasymen respýblıkamyzda jańadan Abaı, Ulytaý jáne Jetisý oblystary óz aldyna bólek enshisin aldy. Qasym-Jomart Kemelulynyń bul batyl qadamy da halyqtyń kókeıindegisin dóp basyp, qordalanǵan áleýmettik máselelerdiń ońynan sheshilýine jol ashty. Sol turǵyda bizdiń salanyń mamandaryna da úlken jaýapkershilik júktelip, oblystaǵy 17 basqarmanyń qatarynda 2022 jyldyń 24 maýsymynda Abaı oblystyq Ádilet departamenti quryldy.
Sodan bergi bir jyl ishinde qabyldaýymyzǵa kelgen azamattardyń quqyqtyq-zańdyq turǵydan qoǵamdaǵy ornyn aıqyndaý, olarǵa durys baǵyt-baǵdar berý turǵysynda aýqymdy jumys atqarylyp jatqandyǵyn aıta ketken artyq bolmas.
Prezıdent Joldaýyna zer sala qarasaq, aldymen azamattyq sanany jańa beleske kóterýge shaqyrady. «Bárine birdeı múmkindik beretin órkenıetti el – Ádiletti Qazaqstandy quramyz. Zań jáne tártip, ózara túsinistik, tilektestik pen jaýapkershilik bárinen bıik turatyn tıimdi memleket bolamyz. Qoǵamdyq tártipti buzatyn kez kelgen arandatýshylyq áreketke qatań tosqaýyl qoıý qajet. О́kinishke qaraı, quqyq qorǵaý mekemeleri jáne aımaq basshylary osy jumysty durys atqarmaı otyr. Basqa sózben aıtqanda, zań ústemdigin qamtamasyz etpeıdi. Sonyń saldarynan qoǵamymyzda udaıy keleńsiz oqıǵalar bolyp jatady», dep búkpesiz shyndyqty dóp basyp aıtqan.
Prezıdent Joldaýynda barlyq sala boıynsha qamtylǵan máselelerdi túbegeıli ári durys sheshilýin júzege asyrý úshin zań ústemdigin ornatýǵa belsendi úles qosý ár azamattyń paryzy.
Janbolat SAMAShEV,
Abaı oblysy Ádilet departamenti basshysynyń orynbasary
